23.06.2016, 6:01
Қараулар: 4
Ардагерлер спартакиадасы

Ардагерлер спартакиадасы

IMG_5195


Таяуда  Орал қаласында ҚР Тәуелсіздігінің 25 жылдығына арналған БҚО спорт ардагерлерінің ІІІ спартакиадасы өз мәресіне жетті.


Орал қаласы және барлық аудандардан жалпы саны 500-ге жуық аға ұрпақ өкілдері қатысқан спорттық додада стритбол, волейбол, шағын футбол, қазақ күресі, дойбы, тоғызқұмалақ, шахмат, гір спорты, жүзу, жеңіл атлетика, жазғы президенттік көпсайыс, үстел теннисі және қол күресінен сынға түсті.

– Батыс Қазақстан облысының спорт ардагерлерінің III спартакиадасының ашылуымен барлығыңызды құттықтаймын. Сайысқа қатысып жатқан ардагерлеріміздің арасында қызу тартыс болары анық. Себебі осалы жоқ. Алдарыңызға қойған мақсаттарға жетіп, денсаулықтарыңыз мықты болуына тілекшімін, – деді жарыстың ашылу салтанатында облыс әкімінің орынбасары  Марат Тоқжанов.

Жарыс қорытындысында спорттың көптеген түрлерінен алдына жан салмаған Орал қаласының командасы бірінші орынды жеңіп алды. Бөрлі ауданы командасы екінші, ал жаңақалалықтар үшінші орынды иеленді. Жеңімпаздар мен жүлдегерлерге дипломдар мен сыйлықтар табыс етілді.

Темірболат  ӘНУАРҰЛЫ,

«Орал  өңірі»

Жаңалықтар

Басқа да мақалалар