17.03.2020, 16:44
Қараулар: 164
Ажалдан арашалап қалды

Ажалдан арашалап қалды

Орал  қаласында  полиция  қызметкерлері  көпірден  секірген  қызды  ажалдан  аман  алып  қалды.

Наурыздың 12-сі күні сағат 20:30 шамасында  «102» пульт операторына Деркөл ауылы аумағындағы Шаған өзенінен өтетін көпірден белгісіз біреудің секіріп кеткендігі жөнінде хабар түседі. Осы аймақта кезекшілікте жүрген Орал қалалық патрульдік полиция батальонының қызметкерлері – полиция лейтенанты Парасат Жолбаев пен полиция капитаны Ерлан Кожасов лезде оқиға орнына жетеді. Маңайдағы саяжай қоғамының тұрғынынан қайық сұрап алып, өзенге беттейді. Олар су ортасында денесі қалқып тұрған қызды қайықтың көмегімен көпір астындағы бетон тасқа дейін жеткізеді.  Қыздың тірі екенін байқап, алғашқы көмек көрсетеді. Кешікпей құтқарушылар  жасағы  мен  «Жедел  жәрдем»  де жетеді.

Өзіне қол жұмсамақ болған 1988 жылғы қыз қала тұрғыны болып шықты. Қазіргі уақытта оның жағдайы  бірқалыпты.

 

Асылай  Ғұбашева

БҚО  ПД  баспасөз  қызметі

Жаңалықтар

Басқа да мақалалар