26.02.2020, 11:15
Қараулар: 79
Күретамыр көшеге Абай есімі берілмек

Күретамыр көшеге Абай есімі берілмек

Кеше  Достық  үйінде  Орал  қаласындағы  Еуразия даңғылының  атауын  өзгерту  бойынша  көпшілік  тыңдау өтті.

Еуразия даңғылын  Абай даңғылы деп қайта атауға  қатысты қала­лық мәслихаттың депутаттары, қала тұр­­ғындары, ақын-жазушылар, ардагерлер  мен  жастар, сондай-ақ қо­ғам  бел­­сенділері  пікір  білдірді.

Алдымен сөз алған Орал қалалық мә­дениет және тілдерді дамыту бөлімінің басшысы Серік Қайырлиев Еуразия даңғылы­ның атауын Абай даңғылы деп өзгертуге қатысты негізгі ұсыныс Қазақстан Жа­зу­шы­лар одағы БҚО фи­лиалының атынан түс­кендігін айта келіп, кө­ше атауын өзгертуге қа­тысты бір­қа­тар  заң­наманы  таныстырып  өт­ті.

– Орал қаласының әкімі жанындағы оно­мастикалық нысандардың тарихи және дәстүрлі атауларын қалпына келтіру бойынша ұсыныстарды зерделеу және пысықтау жөніндегі жұмыс тобы отырысының шеші­міменОрал қаласының Еуразия даңғы­лын Абай даңғылы деп қайта атау ұсыныл­ды. «ҚР-ның кейбір заңнамалық актілері­не ономастика мәселелері бойынша то­лық­­тыру мен өзгертулер енгізу» туралы2013 жылғы 21 қаңтардағы №72 заңы жә­не «Әкімшілік-аумақтық бірліктерге, елді ме­кендер мен олардың құрамдас бөлікте­ріне атау беру және оларды қайта қарау, сондай-ақ олар­дың атауларының транс­крипцияларын нақ­тылау мен өзгерту ке­зінде тиісті аумақ халқының пікірін ескеру қағидаларын бекіту» туралы ҚР Үкіметінің 2014 жылғы 24 ақпандағы №138 қаулысы негізінде жұ­мыс­тар жүргізілетін болады, –деді  Серік  Ерболатұлы.

Бұдан кейін жиынға қатысушылар көше атауын өзгертуге қатысты өз ойымен бөлі­сіп,  Еуразия даңғылына Абай есімін беру туралы  ұсынысты  қуаттап,  қолдады.

Ләззат  ШАҒАТАЙ,

«Орал  өңірі»

Жаңалықтар

Басқа да мақалалар