«Жайық Престе» жаңа басшы

Күні , 42 рет оқылды

БҚО-дағы  баспасөздің  қара  шаңырағы  –  ғасырлық  тарихы бар  екі  облыстық  және  он  екі  аудандық  газеттің, ақпарат орталығының  басын  біріктіріп  отырған «Жайық  Пресс»  медиа-холдингінің  басшысы  ауысты. Осыған  байланысты өткен  жиында  облыстық  ішкі  саясат  басқармасының  басшысы  Нұрлыбек  Даумов  жаңадан  тағайындалған  басшы  Рауан  Сәбитұлын  таныстырып,  қызметіне  сәттілік  тіледі.  Ал  Жантас  Сафуллинге  атқарған қызметі  үшін  ризашылығын  білдіріп,  алғысхат  табыстады.

Жиынға қатысқан сала ардагерлері Жантас Сафуллинге өздерін әрқашан қамқорлап жүретін інілік ізеті мен қарапайымдылығы үшін алғыс айтып, жаңа басшыға ұжымдағы жақсы дәстүр сабақтастығын жалғастыра беруіне тілек білдірді. Медиахолдинг басшысының орынбасары Ғайсағали Сейтақ пен баспасөз тарихын зерттеу орталығының жетекшісі Қазыбек Құттымұратұлы Жантас Набиоллаұлының ұжымды ұйыстырып, тың жобаларды жүзеге асырып, абыройлы еңбек еткенін, медиахолдингтің жанжақты дамуына ықпал еткенін тілге тиек етті. Өз кезегінде Жантас Сафуллин жүктелген міндетті бірлесе атқарып, қолдау білдірген медиахолдинг ұжымына ризашылығын  білдірді.

Жаңа басшы Рауан Сәбитов 1985 жылы дүниеге келген. Білімі – жоғары. 2002-2006 жылдары әл-Фараби атындағы Қазақ ұлттық университетінің әлеуметтану бакалавры біліктілігі мен академиялық дәрежесін, 20102012 жылдары Л. Гумилев атындағы Еуразия ұлттық университеті журналистика магистрі біліктілігі мен академиялық дәрежесін алған. 2015 жылдан бері  Л. Гумилев атындағы Еуразия ұлттық университетінің журналистика және саясаттану факультетінің  докторанты.

Еңбек жолын 2005 жылы республикалық «Ана тілі» газетінде тілші болып бастаған. 2008-2009 жылдары аралығында «Қазақстан» ұлттық телерадио корпорациясында редактор-жүргізуші, 2010-2011 жылдары  «Сақшы» газетінің бас редакторы, 2012-2013 жылдары «Халық сөзі» газеті бас редакторының орынбасары қызметтерін атқарды. 2014-2015 жылдары «Қазақстан – Атырау» телеарнасы директорының орынбасары қызметінде болды. 2017 жылдың 1 наурызынан күні бүгінге дейін «Атырау-Ақпарат» ЖШС директорының орынбасары  болып қызмет  еткен.

Айгүл  АХМЕТОВА

Суретті  түсірген  Айбатыр   НҰРАШ


Тегтер:


БҚО, Орал қаласы, Мұхит көшесі, 57/1
zhaik_presscenter@mail.ru
oral_oniri@inbox.ru
support@oraloniri.kz

Орал өңірі" газетінің бас редакторы: 51-25-80
Бас редактордың орынбасарлары: 24-17-08, 54-18-08
Жауапты хатшы: 54-38-22
Тілшілер: 50-66-88, 51-50-34
Жарнама бөлімі: 51-51-09
Яндекс.Метрика