«Көкек» ана анықталды

Ағымдағы жылдың 5 наурызы күні Деркөл кентіндегі көпірдің астынан төсек жаймасына оралған шарананың өлі денесі табылғандығы бұдан бұрын хабарланған болатын.

Орал қалалық ІІБ қызметкерлері жедел-іздестіру шарасы барысында бір тәуліктен соң күдікті әйелді анықтады. Оның сол шарананың анасы екендігін дәлелдеу үшін сот молекулярлы-генетикалық сараптама жасады.

19 сәуір күнгі сараптама қорытындысымен аталған күдіктінің нәрестенің анасы екендігі 99,9 пайыз дәлелденді.

Сотқа дейінгі тергеу жүргізу шарасы шеңберінде Қылмыстық кодекстің 100-бабына сәйкес күдіктіге «қаладан тысқары жерге шығуға және тиісті іс-әрекеттерге жол бермеу» шарасы қолданылды.

БҚО ІІД баспасөз қызметі