7.03.2015, 17:34
Қараулар: 65
Отандық өнім сенімді

Отандық өнім сенімді

2815


«Қазақстанда жасалған» жалпыұлттық акциясы Ақжайық ауданында да екпін алуда. Аудан әкімі аппаратының, кәсіпкерлік бөлімінің, басқа да тиісті салалардың өкілдері сауда орындарында арнайы кездесулер өткізіп, сатушылармен, тұтынушылармен бұл акцияның маңызы жайында пікір алысты.


Аудан орталығындағы ең ірі «Ақжайықта» сауда үйінде «KZ» белгісімен қазақстандық тауарларға арнайы бөлімдер жасақталған. Онда шұжық, сүт, нан өнімдері, салма секілді азық-түлік түрлері қойылған. «Мен тек қазақстандық азық-түлікті сатып аламын, — дейді чапаевтық Оксана Ефремова. – Себебі отандық өнім сенімді, сапасы да, бағасы да көңілге қонымды».

Мұны «Бұлақ» дүкенінің иесі Светлана Сағитова да құптайды. Оның дүкеніндегі заттардың 70 пайызы елімізден шығарылған. Дүкенге келушілер де, негізінен, «Қазақстанда жасалған» деген сөреде тұрған өнімдерді алатын көрінеді.


 Бекем БЕКҰЛЫ,

Ақжайық ауданы