14.04.2017, 20:19
Қараулар: 42
Зеленовтық 540 оқушы көрмеге бармақ

Зеленовтық 540 оқушы көрмеге бармақ

экспо-2017


«ЭКСПО – 2017» халықаралық мамандандырылған көрмені насихаттайтын облыстық ақпараттық топ жақында Зеленов ауданында болды.


— 2017 жылы елімізде өткізілетін ең маңызды оқиғалардың бірі «ЭКСПО – 2017» халықаралық  мамандандырылған көрмесінің маңыздылығын түсіндіру  жұмыстары жүргізілуде. Переметный, Дариян, Мичурин, Белес, Трекин, Зеленый, Железнов, Көшім және тағы басқа округтерде кездесулер өтті. Сондай-ақ   көрмеге   аудан бойынша  540 оқушы  жіберіледі деп жоспарлануда. Әзірге жергілікті бюджеттен  205  аз қамтылған, көп балалы, жетім балаларға көрмені тамашалап келуі үшін 10 млн. теңге қаржы бөлінді, — деді аудан әкімінің орынбасары Асылұлан Досжанов.

Одан әрі БҚО туризм және сыртқы байланыс басқармасының маманы Ерлан Әдиев биылғы жылдың 10 маусым мен 10 қыркүйек аралығында Астана төрінде өтетін көрменің жобасымен таныстырса, облыстық ішкі саясат басқармасының ұйымдастыру бөлімінің басшысы Гүлдана Аргенова «ЭКСПО» көрмесінің тарихы мен ел үшін маңыздылығына тоқталды.

Динара БЕРІШ,

Зеленов ауданы