Мұрағат: 15.08.2018


Рейдке шығып, акция ұйымдастырамыз

Күні: , 669 рет оқылды

ТЖД БҚО Жедел құтқару жасағы су айдындарындағы адамдар қазасын болдырмас үшін суға түсу маусымының әрбір демалыс және мереке күндерінде  жергілікті полиция қызметімен бірлесіп жабайы жағажайлар бойынша түсіндіру жұмыстарын жүргізу мақсатындарейдке шығып тұрады. Суға түсу маусымы басталғаннан бері құтқарушылар полиция қызметкерлерімен бірлесіп қала мен облыстың су айдындарындағышомылуға келгендерге суға түсудегі қауіптің алдын алу шарасын жүйелі өткізіп келеді.Мұндай жұмыстар суға түсу маусымының соңына дейін жалғасады. Сондай-ақ жедел құтқару жасағы ай сайын жергілікті ерікті-студенттер мен БАҚ өкілдерінің қатысуымен «Су құрбандарына жол жоқ!» аякциясын да ұйымдастырып, өткізіп тұрады. Апталық рейд пен ай сайынғы акция шеңберінде құтқарушылар мен ТЖ департаментіқызметкерлері, полицейлер, еріктілер жабайы жағажайларда суға түсушілерге судағы қатерге бой алдырмау үшін, суға мас күйінде түспеулерін, балалардың ата-анасының қарауынсыз жағажайларға келмеуін түсіндіріп, оларға судағы қауіпсіз жүріс-тұрыс ережелері жазылған жаднамалар үлестіреді. Қауіптің алдын алу шарасы кезінде байқағанымыз – суға келушілердің дені балалар мен жасөсіпірімдер. Ата-аналарының қарауынсыз жабайы жағажайларға келетін олар қауіпке душар болуы ықтимал. Сол себепті құтқарушылар оларды судан шығып, киініп, кеткенше жағада қадағалап тұрады. Оларға қараусыз жатқан мұндай жағажайларға түсу өте қауіпті екенін ескертіп айтады. Биылғы суға шомылу маусымы басталғаннан бері рейдтер, патрулдеу және құтқару бекеттеріндегі кезекшілік кезінде құтқарушылар судан 15 адамды құтқарса, оның 7-і бала. Жаздың соңғы айы болса да өңірдегі ыстық басылатын емес, сондықтан жабдықталмаған жағажайларға келушілер саны да артып отыр. Құтқарушылар оларға жазатайым оқиғаларға тап болмас үшін тек қана суға түсуге рұқсат етілген, жабдықталған орындарда суға түсіп, мас күйінде түспеулерін, балаларды ересектердің қарауынсыз өзенге жібермеулерін ескертті.Құтқарушылар ең қауіп келтіретін өзен – Жайық екенін айтып, ескертеді. Өзен қатты ағысымен, түбінің тегіссіздігімен және астындағы түрлі қалдықтарымен қауіпті.

 ТЖД БҚО Жедел құтқару жасағы


БҚО, Орал қаласы, Мұхит көшесі, 57/1
zhaik_presscenter@mail.ru
oral_oniri@inbox.ru
support@oraloniri.kz

Орал өңірі" газетінің бас редакторы: 51-25-80
Бас редактордың орынбасарлары: 24-17-08, 54-18-08
Жауапты хатшы: 54-38-22
Тілшілер: 50-66-88, 51-50-34
Жарнама бөлімі: 51-51-09
Яндекс.Метрика