Жәңгір хан атындағы БҚАТУ-да Қазақстан Республикасы Мемлекеттік күзет қызметінің өкілдері жастарды Президенттік полктердің қатарына жедел әскери қызметке шақыру мақсатында университеттің студенттерімен кездесу ұйымдастырды.

Шараға Жәңгір хан атындағы БҚАТУ әскери кафедрасының, Орал газ, мұнай және салалық технологиялар колледжіның, Орал гуманитарлық-техникалық колледжінің, ақпараттық-техникалық колледжінің және басқа да оқу орындарының студенттері қатысты.

ҚР Мемлекеттік күзет қызметінің қызметкері Серік Бағлановтың айтуынша, биылғы жылы наурыз және сәуір айы аралығында жүргізілетін аталған науқан шеңберінде Қазақстан Республикасы Мемлекеттік күзет қызметінің «Айбын» және «Батыр» Президенттік полктерінде әскери борышын өтеуге ниетті үміткерлерді іріктеу жұмыстары басталды.Талап бойынша бойы 180 см кем емес әскерге шақырылушының оқу және қызмет орындарынан мінездемелерін, бейімділігі мен қызығушылықтарын анықтап, оның психологиялық бет-бейнесімен қатар, медициналық көрсеткіштерін зерделенеді.  Сондай-ақ, үміткерлердің спорттық және өзге де салалардағы елеулі жетістіктері ескеріледі.

Айта кетейік, Қазақстан Республикасы Үкіметінің 2012 жылғы 15 мамырдағы  «Қазақстан Республикасының азаматтарын әскери қызметке шақыртуды ұйымдастыру мен жүргізу қағидаларын бекіту туралы» Қаулысының негізінде еліміздің барлық өңірлерінде жылына екі рет ер азаматтарды әскерге шақырту науқаны жүргізіледі.

ҚР МКҚ Президенттік полктерінде кешенді тексеру мен іріктеуден өткен ең мықты әскерқызметкерлері жұмыс жасайды.

Кездесу соңында студенттерге Қазақстан Республикасы Мемлекеттік күзет қызметіндегі әскери қызмет, қызметтің жұмысы мен сарбаздардың өмірі туралы үгіт-насихат фильмі көрсетілді.

Қазақстан Республикасы Мемлекеттік күзет қызметі, Жәңгір хан атындағы БҚАТУ, университет, сарбаз, әскери кафедра

????????????????????????????????????

Бүгінгі таңда сыбайлас жемқорлық кез келген мемлекеттің экономикалық дамуын тежейтін маңызды факторлардың бірі. Сондықтан Қазақстанда осы мәселемен күреске жалпы мемлекеттік мәртебе беріліп, қоғамдық және саяси ұйымдармен бірлесіп жемқорлықты тоқтату және шектеу бойынша ғана емес, сонымен бірге оның алдын алу бойынша да кең ауқымды жұмыстар белсенді жүргізілуде.

Сыбайлас жемқорлықпен күрес ісінде билік пен қоғамның барлық тарамдарының өзара бірлескен әрекеті аса маңызды, бұл мәселені бірлесіп қана шешуге болады. Осы мақсатта БҚО ТЖ департаменті БҚО Сыбайлас жемқорлыққа қарсы ұлттық бюро департаментімен белсенді бірлесе қызмет атқаруда, осының нәтижесінде Департамент қатарында сыбайлас жемқорлық дерегі мүлдем жоқ.

Сөзімізге айқын дәлел ретінде 16 наурызда Департаменттің акт залында өткен Батыс Қазақстан облысы мемлекеттік қызмет және сыбайлас жемқорлыққа қарсы әрекет бойынша Қазақстан Республикасы Агенттік департаментінің сыбайлас жемқорлықтың алдын алу басқармасының бас маманы Н.Ихсанғалиевтің Департаменттің жеке құрамымен кездесуін айтуға болады.

Кездесу барысында Нұржан Мергенұлы сыбайлас жемқорлықтың пайда болу себептері мен салдары, сондай-ақ оның мемлекетке қандай экономикалық зардап әкелетіндігі туралы дәріс оқыды. Н.Ихсангалиев өз сөзінде облыстағы сыбайлас жемқорлықтың алдын алу бойынша өткізілген іс-шаралар туралы айтты.

Қазақстан Республикасы президенті Н.Ә.Назарбаев сыбайлас жемқорлықпен күрес туралы айта отырып қоғамның қатысуынсыз жемқорлықты жеңу мүмкін еместігін және Қазақстан үшін жемқорлықты жеңу мемлекттік саясаттың басымдығын мемлекет басшысы дәл белгілеп берген, ең басты бағыты екенін бірнеше мәрте атап өткен еді. Тек мемлекеттің, қоғам мен бизнестің өзара сенімінің, жауапкершілік пен серіктестіктің, қоғамда жемқорлыққа қарсы ой-өрістің және құқықтың сананың қалыптасуы негізінде біздің елімізде сыбайлас жемқорлық секілді әлеуметтік зұлымдықты жоюға мүкіндік болады.

БҚО ТЖД

Мемлекеттік тіл және ақпарат тобы

Өмірде адам үшін ата-анасы, туыс­тары қандай жақын болса, елге сыйлы азамат болып өссін деген адал ниетпен білім мен тәрбие берген, өзінің жүріс-тұрысымен, тағылымды ісімен, парасатты сөзімен үлгі-өнеге көрсеткен ұлағатты ұстазы да сонша­лықты жа­қын болмақ. 1970-80 жылдары Орда орта мектебінде оқыған бізді бі­лім нәрімен сусындатқан, анамыздай қамқор болған жан қадір­лі ұстазымыз, қазақ тілі мен әдебие­ті пәнінің оқы­тушысы Рауза (Роза) Әділәлиева болатын.

Рауза апай бізді 4-сыныптан бастап қанатының астына алды. Ол сынып жетекшісі ретінде бәрімізді аялы алақанымен, аналық жүрегімен тарта білді. Санамызға білім нә­рін, бо­йы­мызға тәрбие дәнін сіңірді. Әр оқу­шының өсіп-жетілуі үшін бар күш-жіге-рін аяған жоқ. Сондық­тан да ол бізге ең жақын адам болып кетіп еді… Өмірдің қатал заңы бар. Дүниеге келген адам әйтеуір бір күні бақи­лыққа аттанатыны анық. Мі- не, биылғы наурыз айында біз осындай асыл да жақын адамымыздан айырылып отырмыз. Бұл күндері Рауза апайдан тәлім алған шәкірттерінің қай-қай­сысы да өздерінің жақын адамын соңғы сапарға шығарып салғандай қай-ғырып, жандары сыздағанын қа­лайша  айтпай  қаламын?!

Ол ешбір оқушыны не талабына, не алғырлығына қарап бөлген жоқ. Бәріне бірдей қарады. Халқымыз «Бұлақ көрсең, көзін аш» дейді. Ұстазы­мыз әр балаға бір-бір бұлақ ретінде қарады. Әр оқушының бойында қандай қабілет бар екендігіне баса зер салды. Мысалы, бір бала математи­каға жүйрік болса, оның әрі қарай шыңдала түсуіне ақыл-кеңесін берді. Енді бір оқушының бойынан өнер ұшқынын байқаса, оның талабы ашыла түсуіне ықпал етті. Кім қандай са­лаға бейім болса, соны таңдағаны дұ­рыс екендігін айтатын еді. Яғни, қа­лыптасу шағыңда мақсатқа жетудегі тура бағытыңды айқындап алсаң, ол өміріңнің даңғыл жолына түске­нің болып есептеледі. Ұстазымыз біз­ге әр адамның асыл арманынан адасып қалмауына айрықша мән беруі  керек  екенін  түсіндіре  білді.

Рауза апайымызға арнаған «Ұстаз  тағылымы»  атты  өлеңімде: «Әр істің де айтқан еді әділін, Ұстазымның  сөз  бен  ісі – тағылым. Шәкірттердің  санасына сіңірді Ана  тілдің  құдіреті  мен қадірін. Күннің нұры көкейіне құйған ән, Өз бойына ұлт дәстүрін жинаған, Сіздей ұстаз бар ма екен шәкіртке Асыл ана махаббатын сыйлаған?!» – деген жолдар бар болатын. Ол шә­кірттерін өте жақсы көретін үлкен жүректі ұстаз еді. Мектеп бітіріп кет­кеннен кейін де шәкірттерімен бай­ланысын үзбейтін. Ордаға барғаны­мызда, баласындай сағынып  қарсы алушы еді. Маған берген бір сұхбатында Рауза апай: «Мұғалім білім берумен шектелмеу керек. Ол бала­ның жан-дүниесін түсінетін адам болуы тиіс. Анасындай қамқорлық жасап, жақсы іс-әрекетімен де баланың жүрегіне нұр құя білгені дұрыс. Сон­да оқушының бойында мейірбандық, бауырмалдық, қайырымдылық сияқты асыл қасиеттер қалыптасады. Жә­не де шәкірт пен ұстаздың арасында сыйластық деген көзге көрінбейтін, бірақ маңызы өте зор байланыс пайда болады», – деп айтқан  болатын. Әңгіме арасында өмір­ден ерте кеткен дарынды күйші, әнші Мұрат Каримуллинді еске алып, «ол менің шәкіртім болып еді, кішкентай кезінен бастап ән айтуға деген құштарлығы, әртістік қабілеті ерте байқалды», – деп  айтып  отырушы  еді. Апайымыз Орда өңірінде болған күйшілер, басқа да өнер иелері туралы көп білетін-ді. Сабақ беру тәсілі де ерекше болды. Мысалы, әдебиет пәнінен жаңа тақырыпты бастағанда, оқушының есінде қалуы үшін сол күні таныстырылып отырған кейіпкердің не қаламгердің жан-жақты қырын ашуға баса мән беретін. Ол Орда орта мектебінде ұзақ жылдар бойы ұстаз болып еңбек етіп, соңына өш- пес із қал­дырды. Бүгінгі таңда мыңдаған шә­кірттері еліміздің әр өңірінде, Батыс Қазақстан облысының әр ауданында жемісті қызмет жасап жүр. Әрбір шәкірті ұстазының  есімін  ардақ  тұ­тады. Рауза апайымыздың жаны жәннат­та болсын, рухы пейіште шалқысын дейміз енді. Елде тыныштық болып, халықтың береке-бірлігі арта берсін деп тілейміз.

Айбатыр СЕЙТАҚ, ақын-журналист, Астана қаласы