---

2017 жылғы қаңтар-наурызда өнеркәсіп өндірісінің көлемі қолданыстағы бағамен 489,0 млрд. теңгені құрады. Нақты көлем индексі 2016 жылғы қаңтар-наурыз деңгейіне 102,2% құрады.

---

Кен өндіру өнеркәсібі және карьерлерді қазуда 2017 жылғы қаңтар-наурызда 434,9 млрд. теңгенің өнімі өндіріліп, 2016 жылдың қаңтар-наурызымен салыстырғанда нақты көлем индексі 100,5% құрады.

Өңдеу өнеркәсібінде 2017 жылғы қаңтар-наурызда 35,4 млрд. теңгенің өнімі өндірілген, бұл 2016 жылғы қаңтар-наурыз деңгейінен 19,4%-ға жоғары.

Тамақ өнеркәсібінің үлесіне өңдеу өнеркәсібі көлемінің 23,8% тиесілі. 2017 жылдың каңтар-наурызында тамақ өнімдері — 8057,1 млн. теңгеге, сусындар — 350,1 млн. теңгеге өндірілді. Сыра өндірісінің көлемі 2,7 есеге, өңделген сүт пен кілегей — 2,3 есеге өсті.

Жеңіл өнеркәсіпте өндіріс көлемі 235,6 млн.теңгені құрады. Өнімнің нақты көлем индексі 2016 жылғы қаңтар-наурыз деңгейіне тоқыма бұйымдарын өндіру 68,4%, киім өндіру – 109,2% құрады.  2016 жылдың қаңтар-наурызымен салыстырғанда төсек жаймаларды шығару төмендеді.

Өзге металл емес минералдық өнімдер 2472,6 млн. теңгеге өндірілді. Нақты көлем индексі 2016 жылдың қаңтар-наурыз деңгейіне 237,9% құрады. 2016 жылдың қаңтар-наурызымен салыстырғанда бетоннан жасалған құрылыстық мақсаттағы бұйымдар және тауарлық бетон өндірісі өсті.

Металлургия өнеркәсібінде 2017 жылдың қаңтар-наурызында өндіріс көлемі 3029,3 млн. теңгені құрады. Нақты көлем индексі 2016 жылдың қаңтар-наурыз деңгейіне 87,7% құрады. Болаттан жасалған түрлі диаметрдегі құбырлар, іші қуыс жіксіз профильдер өндірісі төмендеді.

 Электрмен жабдықтау, газ, бу беру және ауа баптау жөніндегі кәсіпорындарда өндіріс көлемі 16,7 млрд.теңгені құрады. Нақты көлем индексі 2016 жылғы қаңтар-наурыз деңгейіне 105,6% құрады.

Сумен жабдықтау, кәріз жүйесі, қалдықтардың жиналуын және таратылуын бақылау жөніндегі кәсіпорындарда өндіріс көлемі 2,0 млрд.теңгені құрады, бұл 2016 жылғы қаңтар-наурыз деңгейінен 25,5%-ға жоғары.

Ауыл шаруашылығы дамуының негізгі көрсеткіштері

2017 жылдың қаңтар-наурызында  ауыл шаруашылығы жалпы өнімінің көлемі облыс бойынша 11053,3 млн. теңгені құрады, оның ішінде 33,4 млн. теңге — өсімдік шаруашылығы өнімдері және 11016,1 млн. теңге — мал шаруашылығы өнімдері. Мал шаруашылығы жалпы өнімінің нақты көлем индексі 2016 жылғы сәйкес кезеңмен салыстырғанда — 101,2%, өсімдік шаруашылығы — 100% құрады.

Облыстың барлық шаруашылық санаттары бойынша 2017 жылдың қаңтар-наурызында 15,2 мың тонна (2016 жылдың осындай кезең деңгейіне 102,2%) мал мен құс (тірі салмақта) союға өткізілген немесе шаруашылықта сойылған, 19,8 мың тонна (101%) сиыр сүті сауылған, 32,3 млн. дана (96,6%) тауық жұмыртқасы өндірілген.

Негізгі ет өндіруші болып Зеленов (ет өндірісі жалпы көлемінің 13,6%), Ақжайық (13,5%), Жаңақала (12,5%), Казталов (11,7%)  аудандарының шаруашылықтары есептеледі.

Сүт өнімінің қомақты көлемі Зеленов (сүт өндірісінің жалпы көлемінің 22,6%), Теректі (18%) және Бөрлі (12,8%)  аудандарының  шаруашылықтарында өндірілген.

Тауық жұмыртқасының өндірісі Орал қаласы маңындағы аумақтарда (облыс бойынша жалпы көлемнің 44,9%) және Зеленов (42,9%) ауданының шаруашылықтарында шоғырланған.

Мал шаруашылығы өнімдерінің негізгі түрлерін өндіру көлемінде жұртшылықтың жеке қосалқы шаруашылықтарының үлесі басымырақ. Бұл шаруашылық санаттары мал мен құсты союға өткізу көлемінің 58,6%, сүт өндірудің — 75,1% иемденіп отыр.

2017 жылғы 1 сәуірдегі жағдайы бойынша ірі қара мал басының саны 550,7 мың басты (2016 жылдың сәйкес мерзімі деңгейіне 107,6%), қой — 1105,5 мың басты (103,4%), ешкі — 234,9 мың басты (101,1%), жылқы — 146,6 мың басты (112,5%), шошқа — 27,2 мың басты (96,7%), түйе — 2,8 мың басты (97,5%), құс — 920,8 мың басты (102,4%) құрады.

Батыс Қазақстан облысындағы инвестициялық ахуал

2017 жылғы қаңтар-наурызда негізгі капиталға салынған инвестиция көлемі қайта бағалау есебімен 49,2 млрд. теңгені құрады. Нақты көлем индексі 2016 жылғы тиісті кезеңге 72,6% құрады.

Инвестициялардың технологиялық құрылымының 45,8% ғимараттар мен имараттардың құрылысы және күрделі жөндеу бойынша жұмыстар, 30% — машиналар, жабдықтар, құрал-саймандар, 24,2% — басқа күрделі жұмыстар мен шығындар құрады.

2017 жылғы қаңтар-наурызда инвестициялық салымдардың 72,2% өнеркәсіпке, 17,3%-жылжымайтын мүліктермен жасалатын операцияларға, 3,8% — көтерме және бөлшек сауда бағытталған.

Негізгі капиталға салынған инвестицияның қомақты көлемі Бөрлі (22,8 млрд.теңге), Зеленов (12,5 млрд.теңге) аудандарында және Орал қаласында (12,4 млрд.теңге) байқалады.

2017 жылғы қаңтар-наурыздағы  Батыс Қазақстан облысының құрылыс жұмыстарының көлемі 

2017 жылғы қаңтар-наурызда орындалған құрылыс жұмыстарының көлемі 14215,0 млн. теңгені құрады. Нақты көлем индексі 2016 жылдың қаңтар-наурыз деңгейіне 118,3% құрады.

2017 жылғы қаңтар-наурызда 616 жаңа ғимарат, оның ішінде 591 тұрғын үй және 25 тұрғын үйге жатпайтын ғимараттар пайдалануға берілді.

2017 жылғы қаңтар-наурызда  тұрғын үй құрылысына 7721,6 млн. теңге инвестиция бағытталған немесе 2016 жылдың қаңтар-наурыз деңгейіне 380,6%.

Пайдалануға берілген тұрғын үйлердің жалпы алаңы 104,2 мың шаршы метрді құрады, пайдалануға берілген тұрғын үйдің нақты көлемінің индексі 2016 жылдың қаңтар-наурыз деңгейіне 219% құрады.

2017 жылғы қаңтар-наурызда бюджет қаражаты есебінен 8,4 мың шаршы метр жалға берілетін коммуналдық үйлер, жұртшылық қаражаты есебінен — 72,9 мың шаршы метр жеке тұрғын үйлер, кәсіпорынның меншіктік қаражат және басқа да қарыз қаражаттар есебінен — 22,9  мың шаршы метр тұрғын үйлер пайдалануға берілді.

Іске қосылған тұрғын үйлердің көбеюі Орал қаласында және  Бөрлі, Жаңақала, Зеленов, Казталов, Тасқала, Теректі аудандарында байқалады.

Батыс Қазақстан облысындағы бөлшек сауданың жағдайы туралы

2017 жылғы қаңтар-наурызда бөлшек сауда көлемі өткен жылғы тиісті кезеңмен салыстырғанда 4,1%-ға өсіп,  63,1 млрд. теңгені құрады. Сауда кәсіпорындары арқылы тауарларды өткізу көлемі 27,8 млрд. теңгені құрады немесе нақты мәні 2016 жылғы қаңтар-наурызға қарағанда 24,6%-ға өсті.

2017 жылғы қаңтар-наурызда жеке кәсіпкерлермен, соның ішінде базарда сауда жасайтындармен сауда көлемі өткен жылдың тиісті кезеңімен салыстырғанда нақты мәні 7,9%-ға азайды, аталған өткізу арнасының үлесі бөлшек сауданың жалпы көлемінде 55,9% құрады.

Бөлшек сауда құрылымында азық-түлік емес тауарлар басым (бөлшек сауданың  жалпы көлеміне 58,3%).

2017 жылғы 1 сәуірге бөлшек саудадағы саудамен айналысатын кәсіпорындардың таратылғанға дейін тауарлық қорлардың көлемі 13,1 млрд. теңгені құрады, саудадағы күндері — 53 күн.

Облыстағы бөлшек сауданың жалпы көлеміндегі аса жоғары үлес салмақты Орал қаласы (67,7%), Бөрлі (9,7%) және Зеленов аудандары (5,2%) құрады.

Көлік кәсіпорындарының жұмыстары

2017 жылғы қаңтар-наурызда жедел мәліметтер бойынша облыс көліктерімен 8,2 млн. тонна әртүрлі жүк тасымалданды, жүк тасымалдау көлемі 2016 жылғы қаңтар-наурызбен салыстырғанда 3,4%-ға азайды.

Жүк айналымының көлемі 536,1 млн. тонна/шақырымды құрады, бұл 2016 жылғы сәйкес кезеңдегі деңгейден 2,3%-ға жоғары.

Облыс бойынша 2017 жылғы қаңтар-наурызда 101,7 млн. жолаушы (“жеке тасымалдау” көлемін бағалау есебімен) тасымалданды, бұл 2016 жылғы сәйкес кезеңдегі деңгейден 1,4%-ға аз.

Осы кезеңде жолаушы айналымы 2016 жылғы қаңтар-наурызбен салыстырғанда 5,4%-ға өсіп, 2277,6 млн. жолаушы/шақырымды құрады.

Ауылдық жерлерде байланыс кәсіпорындарымен қызмет көрсетілді…

Ауылдық жерлерде 2017 жылдың қаңтар-наурызында пошталық және курьерлік кәсіпорындарымен 20,9 млн. теңгеге қызмет көрсетілді, бұл 2016 жылдың сәйкес кезеңіндегі  салыстырмалы бағаларда 4,3%-ға көп.

Осы кезеңде электр байланысы кәсіпорындарымен 420,0 млн. теңге көлемінде қызмет көрсетілді, бұл 2016 жылғы қаңтар-наурыз  көлемінен салыстырмалы бағаларда 2,2%-ға аз.

Ауылдық жерлердегі байланыс қызметінен түскен табыстар құрылымында  қомақты үлесті Интернетке қол жетімділікті ұсыну қызметі — 35,7% және жергілікті телефон байланысы — 31,7%, өзге де телекоммуникациялық қызметтер — 15,9%  иемденіп отыр.

2017 жылдың 1 сәуіріне ауылдық жерлердегі тіркелген телефон желілерінің саны 47,3 мың бірлікті, тіркелген Интернет абоненттерінің саны 14 мың бірлікті құрады.

Батыс Қазақстан облысының Статистика департаменті