Шыңғырлаулық Нариман мен Лаура Жаңқаевтар шаңырақ көтерісімен кәсіпкерлікке  бет бұруды ойлады. Бастамасында аздап тауар әкеліп сатып, кейін  «Парк» дүкенін ашқан ерлі-зайыптылар қазіргі таңда саудасын дөңгелентіп алған жайлары бар. Қашан кірсең де, әртүрлілігімен, қаладан келген жаңа тауарларымен сөрелерін толтырып қоятын Лаура өз тұтынушыларының сұраныстарын уақтылы қадағалап отырады.

Жылқы жылы Жаңқаевтар үшін табысты жыл болды. Қолдағы бар қаржыларын сауда-саттыққа  жұмсап, одан мол  кіріс те алуға болатынына көздері жетті. Сол себепті  шығар, кәсіпкерлігін дамытуды ойлап, мемлекет бағдарламасына жүгінуді жөн көрді. Лаура Хамиева  орталықтан балалар кафесін ашу мақсатында «Жұмыспен қамту  2020 жол картасы» бағдарламасы бойынша  3 млн. теңге қаражат алды.

Автожолдарды ұстап тұру мәселесін тек жүргізушілер арқылы шешу жөн болмайды. Қазақстан халқының санына шағып қарағанның өзінде елдің аумағы мен ондағы аутожолдарды ұстап тұру шығынын жұртшылық есебінен шешу мүмкін емес.

Сондықтан бюджеттік тұрғыдан да қаражатпен қамтамасыз ету керек. Осыған байланысты жолдар қорын құру туралы ұсыныс айтылуда. Аталмыш мәселе мемлекеттік органдарда талқылануда. Бұл туралы ҚР Президенті жанындағы ОҚК-да өткен брифингте Парламент Мәжілісінің депутаты Серікбай Нұрғисаев мәлім етті. «Жалпы, аутожолдар мәселесінде халықтың төлемге қабілеттілігін де ескеру керек, — деді ол. — Мәселен, бүгінгі таңда Көкшетау мен Оңтүстік Қазақстан облысы бойынша орташа жалақы деңгейі мен батыс өңірлерінің төлемге қабілеттілігін салыстыруға келмейді. Бұл ретте автожолдарға ақылы жүйені енгізу негізінен олардағы көліктер ағынына да қатысты болуы тиіс».

Редакцияға Ұлы Отан соғысына қатысқан ерінің медальдары мен өмірбаяны жазылған қағазын құшақтап ақ жаулықты әжей келді.

42 жыл ұстаз болған, жасы 84-те екен. Мағрипа әжей: «Мына қағаздарды жоғалтпаңдар, қайтып алып кетемін, ал мақаланы сәуірдің 15-іне қарай шығаратын болыңдар» дегенді нығыздай айтып, әңгімесін бастады.

Мағрипа әжеміздің жары Ғайнедден Джамаледденов 1941 жылы соғысқа алынады. Ұлы Отан соғысына бастан-аяқ қатысқан ол әрі қарай қалып, 1955 жылға дейін Германияда әскери қызметте болған екен. Өзі жоғары әскери училищені бітірген танкист, аға лейтенант Ғайнедден Темірұлы әскерден оралған соң Чапаев ауданының Бударин орта мектебінде әскери жетекші болып қызмет істейді. Мағрипа әженің қолындағы әбден сарғайған оқушы дәптерін парақтай бастадық. Әжеміздің сары майдай сақтап жүрген бұл дәптерінде немересі Ғалидың атасы туралы жазған шығармасы бар екен.

Мектеп жасында жүргенде-ақ Гүлдана ауырып, төсек тартып жатқан әжесіне укол салып, қан қысымын өлшеп, науқасты оңтайлы жатқызып кәдімгідей емдеп, күтетін. Мұның бәрін ол әжесіне күн құрғатпай ем-дом жасайтын фельдшер Нағима Боранбаевадан үйреніп алған.

Кішкентай қыз сол кезде өзін нағыз ауруханадағы медбикедей сезінетін. Осы кезде-ақ оның өскенде медбике болып, сырқат жандарды емдейтініне күмәні болмайтын. Расында да, ішкі сезімімен астасқан тілегі өзі ойлағандай жүзеге асты. Ақобадағы орта мектепті бітірген бойда Орал қаласындағы медициналық училищеге қиналмай түсіп, екі жыл оқып, ойдағыдай бітіріп шықты. Аталған оқу орнында оқығанда қаладағы ауруханаларда машықтанудан өтетін. Сонда төсекте таңылып жатқан жандарды, әсіресе, кейуаналарды көргенде, сырқат шағында өзі күтіп, емдеген әжесі есіне түсетін. Әлгі кейуаналардың ішінде қазағы да, орысы да бар. Бәрі Гүлдананың өздеріне жасаған ерекше қамқорлығына риза болып, алғыстарын жаудыратын.

Бұл туралы облыстық ішкі істер департаментінде журналистермен өткен брифингте мәлім болды.

Облыстық ішкі істер дапертаменті әкімшілік полициясы басқармасының басшысы, полиция подполковнигі Мүслім Жәрдемовтің айтуынша, наурыздың 2-6 күндері аралығында елімізде «Тұрмыс» жедел алдын алу шарасы өткен.

Бұл шара отбасылық тұрмыстық жағдайдағы құқықбұзушылықтардың алдын алу, тұрмыстық жағдайда құқықбұзушылыққа бейімі бар тұлғаларды анықтап, профилактикалық есепке қою мақсатында  ұйымдастырылған. Шара барысында отбасы тұрмыстық қарым-қатынас жағдайындағы 16 қылмыс, соның ішінде денсаулыққа қасақана жеңіл жарақат салу бойынша 7, соққыға жығу бойынша бір, ата-аналардың кәмелетке  толмағандарды тәрбиелеу міндетін атқармауына қатысты 8 факті анықталыпты.  Шара шеңберінде ауыр қылмыстық оқиғалар тіркелмеген, ішкі істер органдарында есепте тұрған 5 мыңнан астам тұлға тұрғылықты жерлері бойынша тексерілген. 134 адам есепке алынған, 9 «жайсыз» отбасы тіркеуге алынған.

Ақпан айында өткен Үкіметтің кеңейтілген отырысында Елбасы Нұрсұлтан Назарбаев отандық өндірушілерді қолдауға шақырып, «Қазақстанда жасалған» жалпыұлттық акциясын бастауды ұсынған еді.

Аталмыш акция Ақсай қаласында да бастау алды. Бұл шара қаламызда жақында ғана ашылған «Алтындар» супермаркетінде, сондай-ақ «Тайыр» сауда павильонында, «Атаба» супермаркетінде, «Жібек жолы» сауда үйінде, «Бәйтерек», «Аян» және «Ассорти» дүкендері секілді ірі сауда орындарында ұйымдастырылып отыр. Қазақстандық өнімдер орналасқан сөрелердің тұсына «Қазақстанда жасалған» деген жазуы бар тақтайшалар ілінген. Осылайша, отандық өнімдер тұрғындардың көзіне бірден түседі. Қазақстандық өнімді сатып алу арқылы біз, біріншіден, ел экономикасының дамуына үлес қосатын болсақ, екіншіден, бұл кәсіпорындардағы жұмыс күшіне де қолдау көрсетеміз. Яғни өнімі өтімді кәсіпкердің нәсібі артып, қуаты мықты кәсіпорын арқылы ел бюджетінің де кірісі ұлғаяды. Бұл туралы Елбасының өзі «Барлық қазақстандықтарды бүгінгідей қиын жағдайда қазақстандық тауарларды сатып алуға шақырамын. Мұны біз Қазақстан экономикасына қосқан үлесіміз деп білейік» – деген болатын. 

Өткен жылы 30 маусымда елімізде «Қазақстан Республикасының азаматтарына, оралмандарға және Қазақстан Республикасында тұруға ықтиярхаты бар адамдарға мүліктерін жария етуіне байланысты рақымшылық жасау туралы» заң қабылданды.

Осыған орай еліміз бойынша мүлікті жария ету акциясы басталып, оның аяқталу мерзімі 2015 жылғы 31 желтоқсан деп белгіленді. Ақшадан басқа мүлікті жария етуге ұсыну үшін құжаттар көрсетілген мерзімге дейін, яғни 2015 жылдың 30 қарашасына дейін ғана қабылданады.

Жоғарыдағы заңға сәйкес Қазақстан Республикасының азаматтары, оралмандар мен Қазақстан Республикасында тұруға ықтиярхаты бар адамдар осы акцияға қатысып,  өз иеліктеріндегі қаражаты мен бағалы қағаздарын, құрылыс нормалары мен қағидаларына сәйкес келетін ғимараттарын (бұл ретте жария етілетін объектілер орналасқан жер учаскелері жария ету субъектілерінің меншігінде болуы тиіс), басқа адамға рәсімделген құрылыстар (ғимараттар), ел ау-мағынан тыс жерлердегі жыл-жымайтын мүліктер, сондай-ақ  заңды тұлғалардың жарғылық капиталына қатысу үлесі де жария етілуі тиіс. Жария ету акциясы басталғанға дейін, яғни 2014 жылғы 1 қыркүйекке дейін алынған (сатып алынған) мүліктерді де жария етуге болады. Дүние-мүліктерден басқа ресми түрде тіркелмеген, яғни салық салынбайтын кәсіпкерлік қызметтер мен ресми түрде тіркелгенімен, түрлі тәсілдермен салық төлемеген немесе декларацияланбаған кәсіпкерлік қызметтер жария етілсе, осы акция аясында оларға да рақымшылық жасалады. Осы жерде айта кететін бір нәрсе, жекелеген қылмыстар нәтижесінде алынған мүліктер жария етуге жатпайды. Мұндай қылмыстарға жеке адамға, адамның конституциялық және өзге де құқықтары мен бостандықтарына, мемлекеттің конституциялық құрылысының негiздерi мен қауiпсiздiгiне қарсы, сондай-ақ мемлекеттiк қызмет мүдделерiне қарсы сыбайлас жемқорлық және өзге құқық-бұзушылықтар мен қылмыстар жатады.

Әдебиеттің біраз жанрында жылдар бойы жемісті еңбек етіп, соңында баға жетпес мол мұра қалдырған ақын Қадыр Мырза Әліден бұл сұхбатты мен 2002 жылдың қоңыр күзінде алған едім. “Ер туған жеріне” демекші, бұл абыз ақынның туған өлкесіне көшіп келген жылы еді. Оралдан Алматыға 1953 жылдың шілдесінде оқу іздеген бала ретінде аттанып, араға аттай жарты ғасыр салып туған жеріне берісі байтақ ел, әрісі айдай әлем таныған дана болып оралған алты Алаштың абыз ақыны Қадыр Мырза Әлімен болған үшбу сұхбатты шайырдың биылғы 80 жылдық мерейтойына орай «Орал өңірі» газеті оқырмандарының назарына тұңғыш рет ұсынып отырмын.

– Мәселені қабырғасынан қойып, әңгімені төтесінен бастасақ, аға. Алматыдан кету, Оралға көшу оңайға түспеген шығар?

– Бұл шешімді лезде қабылдадым деп айта алмаймын. Бірақ аса бір көп ойланып, қинала да қойған жоқпын. Адамның өмір бойы жетсем дейтін бір мұраты болады ғой. Ал менің өмір бойы іздегенім – тыныштық. Соған енді жеттім бе деп ойласам, мұнда да тыныштықтың төбесі қол созым жерде емес екен. Осы Оралға келген алғашқы аптада көп ешкімге көрінбей, біраз шаруаның басын қайырып үлгердім. Мәселен, Ғабдолла Тоқайдың бір баспа табақ өлеңін аудардым.

Жалпы, елге келгеніме өкінбеймін. Жаным іздеген жазуға, жұмыс істеуге бірінші кезекте керек тыныштықты бәрібір ұйымдастырамын ғой деген ойдамын. Туған жеріне адам үгітпен емес, жан-жүрегінің қалауымен келеді ғой. Дегенмен Қырымбек ініме рақмет, маған тұрмысқа, жұмысқа қажетті қолайлы жағдайдың бәрін жасап бағуда.

Алдағы ҚР Президенттік сайлауды қолдау мақсатында «Сенің дауысың – сенің болашағың» атты республикалық постерлер байқауы жарияланды.

Байқаудың басты мақсаты – сайлау туралы креативті идеялар арқылы тұрғындарды сайлауға қатысуға ынталандыру және азаматтық қоғамның біртұтас құқықтық санасын қалыптастыру. Бұл туралы ОКҚ-ның Алматыда өткен баспасөз  мәслихатында  айтылды.

Сайлауға белсене қатысуға үндейтін байқауды «Қаламгер азамат» жас журналистердің қоғамдық қоры мен Қазақстанның Суретшілер одағы және «АйТи» компаниялардың қауымдастығы ұйымдастырып отыр. Оған еліміздің барлық азаматы қатыса алады. «El.kz» әлеуметтік желісі негізінде өткізілетін байқауға жұмыстарды 17 наурыздан бастап  20 сәуірге дейін жіберуге болады. Халық таңдаған 3 үздік жұмыстың арасынан  ұйымдастырушылар мен өнер адамдарынан құралған қазылар алқасы  бас  жүлдені  анықтайды.