Мұрағат: 14.02.2015


Қарулы күштер үшін РОБОТТАР ШЫҒАРЫЛМАҚ

Күні: , 299 рет оқылды


Облысымызда су асты роботтарын шығару жаңа деңгейге көтерілмек. Орал қаласына келген ҚР Қарулы күштерінің  Әскери-теңіз күштері басшылығы сондай техникаларды елімізде құрастыру жөнінде француздық компания өкілдерімен келіссөз өткізді.


– ҚР Қарулы күштері оралдық «Зенит» зауыты және «Гидроприбор» ғылыми-зерттеу институтымен біраз уақыттан бері бірлесіп жұмыс жасап келеді. Енді олармен алдағы 3 жыл үшін тапсырыстар жөнінде келіспекке келдік. Аталмыш сала бойынша елдегі ең үздік бұл мекемелер су астындағы роботтехниканы алдымен еліміздің Қарулы күштеріне дайындайтын болады, – деді ҚР ҚК Әскери-теңіз күштері бас қолбасшысы, контр-адмирал Жандарбек Жанұзақов.  


Бюджет қаражатының тиімді жұмсалуына ҚАТАҢ МЕМЛЕКЕТТІК ЖӘНЕ ҚОҒАМДЫҚ БАҚЫЛАУ ОРНАТЫЛМАҚ

Күні: , 837 рет оқылды


 Жақында «Нұр Отан» партиясы Батыс Қазақстан облыстық филиалы және «Батыс Қазақстан облысы бойынша тексеру комиссиясы» ММ арасындағы өзара түсіністік және ынтымақтастық туралы меморандумға ресми түрде қол қойылды.


 Бұл меморандум, Мемлекет басшысы, «Нұр Отан» партиясының Төрағасы Н. Ә. Назарбаевтың «Қазақстан – 2050» стратегиясы: қалыптасқан мемлекеттің жаңа саяси бағыты» атты Қазақстан халқына Жолдауында белгіленген бюджеттік-қаржы үдерімінде үнемі мақсаттылық және тиімділік үрдістерін сақтап, ұқыптылықпен қарау туралы тапсырмасын орындау мақсатында жасалып отыр. Сонымен қатар Елбасының, «Нұр Отан» партиясының төрағасы – Н. Назарбаевтың «Нұрлы жол – болашаққа бастар жол» атты Қазақстан халқына Жолдауында көрсетілген 2015-тен 2017 жылға дейінгі кезеңге жыл сайын ұлттық қордан қосымша бөлінетін қаржыны  тиімді әрі оңтайлы пайдаланып, жұмсалуына республикалық және аймақтағы қаржылық бақылау органдары «Нұр Отан» партиясының орталық және жергілікті аппараттарымен бірлесіп, қатаң мемлекеттік және қоғамдық қадағалау орнату қажеттігі жайлы ұсынысынан туындайды.


«Теректінің әлеуетіне сенеміз»

Күні: , 850 рет оқылды


Теректіліктерді табиғи құбылыстар салдарынан электр желілерінің істен шығуы және елді мекендерді газдандыру жайы толғандырады екен.


Бұл мәселелер есептік кездесулерде тұрғындар тарапынан жиі қозғалды. «Халық айтса, қалт айтпайды» деген қағиданы ұстанған жергілікті атқарушы билік мұны назардан тыс қалдырмақ емес. Бұл жөнінде аудан әкімі Жеңіс Серікқалиев тұрғындар алындағы есебі кезінде баяндады. Аталмыш жиынға облыс әкімінің бірінші орынбасары Арман Өтеғұлов пен облыстық мәслихаттың хатшысы Мәлік Құлшар қатысты.


Жарасым жарқылы

Күні: , 864 рет оқылды


Ақжайық ауданында қаңтардың басынан-ақ Қазақстан халқы Ассамблеясы жылына арналып біраз әсерлі, ықпалды іс-шаралар өткізілгенді. Бұл жылдың салтанатты ашылуына ұласып, одан әрі шырайлы жалғасын табуда.


«Қазақстан халқы Ассамблеясының шежіресі» атты кездесулер, дәрістер де ауыл тұрғындарының есінде ұзақ сақталары сөзсіз. Ел Президенті Н. Назарбаев осындай ұйымды құру идеясын алғаш рет 1992 жылы тәуелсіздіктің бірінші жылына арналған Қазақстан халқының І форумында жария еткені белгілі. 1995 жылдың 1 наурызы Ассамблея дүниеге келген күн болып, Отанымыздың тарлан тарихына айтулы дата ретінде енді. Ұйымның біздің облысымыздағы, оның ішінде үлкен ауданымыздағы жұмысы да тұрғындардың шын мәнінде мақтанышына айналды. Аталған тақырыптағы шараларда бұл тағы да айқын көрінді.


Волгоград сапары

Күні: , 861 рет оқылды


 Қазақстанға ең жақын орналасқан майдан шебі болғандықтан, Сталинград шайқасының біз үшін тарихи маңызы зор.


Шекара шебіндегі Жәнібек ауданынан Волгоград қаласына аутокөлікпен баруға 3,5 сағат уақыт кетеді екен. Қазталов және Жәнібек ауданының әкімдері Нұрлан Бекқайыр мен Мұрат Мұқаевтың бастауымен делегация Ресейдің Волгоград (Сталинград) қаласына барып қайтты.


Ауған ардагерлеріне Құрмет

Күні: , 151 рет оқылды


Жаңақала ауданында Кеңес әскерлерінің Ауғанстан аумағынан шығарылғанына 26 жыл толуына орай арнайы шара өтті.


Бұл жиынға ауданымыздағы ауған соғысының ардагерлері мен олардың жұбайлары арнайы шақырылып, құрмет көрсетілді. Жиында сөз алған аудан әкімінің орынбасары Бауыржан Қайырсапаұлы КСРО кезіндегі солақай саясат нәтижесінен қаншама отбасының зардап шеккені, қаншама қыршын жастың жат жерде қалғаны, қаншама жанның хабарсыз кеткені жайлы әңгімеледі. Ауған соғысы ардагерлерінің ерліктері ешқашан естен кетпейтінін жеткізіп, сол кездегі әскери бұйрықты мүлткісіз орындап соғысқан ауған ардагерлеріне ізгі тілегін білдірді. Өз кезегінде сөз алған интернационалист жауынгерлер арнайы көрсетілген құрметке ризашылықтарын білдірді.


Қырық жылдан кейін ЖӨНДЕЛГЕН ҒИМАРАТ

Күні: , 857 рет оқылды


Биылғы жыл қазталовтық тәртіп сақшылары үшін қуанышты жаңалықпен басталды.


Бой көтергеніне қырық жыл болған аудандық ішкі істер бөліміне күрделі жөндеу жүргізілді.

— Ғимарат талапқа сай жөнделді. Бұл жұмыстарды Оралбек Өтепов жетекшілік ететін «ОралЖилСтрой» ЖШС сапалы орындап шықты. Бөлмелер кеңейтіліп, тәртіп сақшыларының арнаулы қызметтеріне сәйкес жаңартылды. Учаскелік инспекторларды қоспағанда, бөлімдегі 48 тәртіп сақшысының алаңсыз жұмыс жасауларына жағдай туғызылып отыр, — дейді аудандық ішкі істер бөлімінің басшысы, полиция подполковнигі  Бекбол Уртаев. 


БҚО, Орал қаласы, Мұхит көшесі, 57/1
zhaik_presscenter@mail.ru
oral_oniri@inbox.ru
support@oraloniri.kz

Орал өңірі" газетінің бас редакторы: 51-25-80
Бас редактордың орынбасарлары: 24-17-08, 54-18-08
Жауапты хатшы: 54-38-22
Тілшілер: 50-66-88, 51-50-34
Жарнама бөлімі: 51-51-09
Яндекс.Метрика