Филиал жұмысы жоғары бағаланды

Күні: , 23 рет оқылды

Тәуелсіздік  мерекесіне  орай  «Нұр  Отан»  партиясы  төрағасының  бірінші  орынбасары  Мәулен  Сағатханұлы  Әшімбаев  партияның  Батыс  Қазақстан облыстық  филиалы  төрағасының  бірінші  орынбасары,  Қаратөбе,  Сырым  аудандарының  құрметті  азаматы,  «Құрмет»  орденінің  иегері  Серік  Кенжебекұлы  Сүлейменге  «Парасат»  орденін табыс  етті.

Партия төрағасы, Қазақстан Республикасы Президентінің Жарлығымен берілген бұл марапат – облыстың 275 бастауыш партия ұйымдарына біріккен 34 197 партия мүшелерінің бірлесіп атқарған жұмыстарына берілген жоғары баға.

Соңғы бес жылда облыстық филиалдың жұмысы партияның орталық аппараты тарапынан жоғары бағаланып  келді.

2018 жылдың 6 қыркүйегіндегі Батыс Қазақстан облысындағы сапарының қорытындысы бойынша өткізілген партия активінде «Нұр Отан» партиясы төрағасының бірінші орынбасары Мәулен Әшімбаев облыстық филиал жұмысына оң баға берген болатын.

2016-2021 жылдарға арналған «Нұр Отан» партиясының сайлауалды бағдарламасының орындалуы облыстық филиалдың үнемі назарында.

Елбасы, партия төрағасының тапсырмасына сәйкес Үкіметтің салалық бағдарламаларының орындалуы, бөлінген қаражаттың тиімді жұмсалуы Серік Кенжебекұлы жетекшілік ететін облыстық мәслихат жанындағы «Нұр Отан» партиясы фракция мүшелерінен құрылған комиссиялардың жіті қадағалауында.

Соңғы үш жыл бойы «Нұрлы жол» – «Нұрлы жер» бағдарламалары партияның бақылауы аясында, облыс көлемінде нәтижелі іске асып, мыңдаған жанұя баспаналы болды.

«Ардагерлерді ардақтайық!», «Кедергісіз келешек» партиялық жобалар аясында Ұлы Отан соғысы мен тыл ардагерлері, сонымен қатар мүмкіндігі шектеулі жандар тұрақты қамқорлыққа алынып, олардың туындаған өмірлік, тұрмыстық мәселелері партияның араласуымен шешімін тауып келеді.

Партия төрағасының партияны жаңғырту бойынша тапсырмасын орындау барысында жаңа 20 партиялық жобаны іске асыру қолға алынды. Ішкі партиялық жұмыстарды ұйымдастыруда да жетістіктер де аз емес.

Бастауыш партия ұйымдарының жұмыстарын жетілдіру бағытындағы әдістемелік көмек, ұйым жетекшілерін жүйелі партиялық оқыту нәтижесінде батысқазақстандық бастауыш партия ұйымдары республикалық «Үздік бастауыш партия ұйымы» бай-қауында республика бойынша 6 мың бастауыш партия ұйымдары арасынан 2016 жылы 2-орын, 2017 жылы 1-орын, 2018 жылы 2-орын-ды иеленіп, алып марапатқа ие болды.

Халық пен атқарушы билік арасында дәнекер болып отырған партияның облыстық филиалының қоғамдық қабылдау бөлмесі қабылдауға келген азаматтардың арыз-шағымдарын оң шешуде республика бойынша алдыңғы қатарда келеді. Соның айғағындай осы құрылым республикалық «Үздік қоғамдық қабылдау бөлмесі» байқауында 2014 жылы 3-орын, 2015 жылы 1-ші орынға ие болды.

Елбасы, партия төрағасы Нұрсұлтан Назарбаевтың сенімді тірегі «Нұр Отан» партиясы, соның ішінде партияның Батыс Қазақстан облыстық филиалына берілген жоғары баға, еліміздің «Қазақстан – 2050» стратегиялық бағдарламасын жүзеге асыруда партияның батысқазақстандық мүшелерінің жұмыстарына тың  серпін берері сөзсіз.

Бақытжан  САЛЫҚҰЛЫ


Үш жылдың бюджеті айқындалды

Күні: , 15 рет оқылды

Кеше  облыстық  мәслихаттың  кезектен тыс  XXI  сессиясы  өтті.  Күн  тәртібінде  «2019-2021  жылдарға  арналған  облыстық бюджет  туралы»  мәселе  қаралды.

Облыстық экономика және бюджеттік жоспарлау басқармасының басшысы Қайсар Маңқараев аталған тақырыпта баяндама жасады. Баяндамашының мәлімдеуінше, 2019-2021 жылдарға арналған облыстық бюджет 2019-2023 жылдарға арналған Батыс Қазақстан облысының әлеуметтік-экономикалық даму болжамы негізінде дайындалған және мемлекеттік құрылымдар қызметінің тиімділігінің нысаналы индикаторларына қол жеткізуге бағытталған. 2019 жылға арналған облыстық бюджет түсімдері өзіндік кірістерден 30,8 млрд. теңге, жалпы сипаттағы трансферттерден (субвенциялар) – 51,3 млрд. теңге, республикалық бюджеттен қарастырылған нысаналы трансферттер мен кредиттерден – 46,2 млрд. теңге және басқа да түсімдерден құралды. Осылайша, 2019 жылғы облыстық бюджет түсімдер мен шығыстар бойынша 142,5 млрд. теңге, 2020 жылға – 102,4 млрд. теңге, 2021 жылға – 104 млрд. теңге көлемінде айқындалды. Облыстық бюджеттің негізгі бағыттары әлеуметтік қолдау, денсаулық сақтау және білім беру, өмір сүру деңгейін жақсарту болып табылады. Инвестициялық жобаларды іске асыруды ескере отырып, әлеуметтік салаға 31,8 млрд. теңге бағытталды. Оның ішінде, білім беруге – 18,6 млрд. теңге (соның ішінде Ақжайық, Қазталов аудандарында және Орал қаласында үш жалпы білім беретін орта мектептің құрылысы қарастырылды), денсаулық сақтауға – 3,8 млрд. теңге, әлеуметтік қамтамасыз етуге – 3,6 млрд. теңге, мәдениет, спорт, туризм, мұрағат, жастар саясаты және ақпараттық кеңістікке – 5,8 млрд. теңге қаралған. Ауыл шаруашылығы мен ветеринария, орман шаруашылығын дамыту мен табиғат қорғауіс-шараларына 10,6 млрд. теңге және кәсіпкерлік қызметті қолдауға – 6,4 млрд. теңгеден астам қаражат бағытталды. Тұрғын үй-коммуналдық шаруашылығына – 17,6 млрд. теңге қаражат бағытталды. Оның ішінде тұрғын үй құрылысына – 8,7 млрд. теңге, инженерлік-коммуникациялық инфрақұрылымды дамытуға және жайластыруға – 2,4 млрд. теңге, ауылдық елді мекендер мен қаланы жылу, сумен жабдықтау және су бұру жүйелері реконструкциясы және құрылысына – 5 млрд. теңге, газ тасымалдау жүйесін дамытуға – 307 млн. теңге қаралып отыр. Бұған қоса, облысымызда жолдарды күтіп ұстау, күрделі, орташа және ағымдағы жөндеу және көлік инфрақұрылымын дамыту бойынша жұмыстар жалғасын табуда. Бұл мақсаттарға 10 млрд. теңгеден астам қаражат бағытталды. Сонымен бірге облысымызда мемлекеттік-жекеменшік әріптестік шеңберінде жобалар іске асырылуда. Осылайша, 2019 жылға арналған бюджетте жалпы сомасы 390 млн. теңгені құрайтын денсаулық сақтау саласы бойынша екі жобаны және жолдар саласы бойынша бір жобаны жүзеге асыру жоспарлануда.

– Елбасымыз Нұрсұлтан Әбішұлы Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты биылғы Жолдауының негізгі мәні – тұрғындардың өмір сүру сапасын арттыруға бағытталды. Өңір тұрғындарының өмір сүру сапасын жақсарту бағытында облысымызда қандай жұмыстар атқарылды? Осыдан екі жарым жыл бұрын облыс тұрғындарының таза ауыз сумен қамтылу көрсеткіші 36 пайыз болған еді. Осы аралықта екі мың шақырым су құбыры тартылып, 110 елді мекенге орталықтанған таза ауыз су жеткізілді. Әсіресе, облыс орталығынан шалғайда жатқан Бөкей ордасы, Жәнібек, Жаңақала, Қазталов аудандарының елді мекен тұрғындары мемлекеттің қамқорлығына ризашылықтарын білдіруде. Биыл біз осы көрсеткіш бойынша 46 пайызға жуықтасақ, келесі жылы тағы 50 елді мекенге ауыз су жеткізу арқылы 50 пайыздан асуды жоспарладық. Біз облыс жолдарын қалыпқа келтіру мақсатында жыл сайын 500 шақырым шамасында жол жасауды күн тәртібінен түсірмей келеміз. Биылдың өзінде басқа салаларды айтпағанда, 33 млрд. теңге тек қана жол құрылыстарына жұмсалды. Нәтижесінде республикалық маңызы бар Саратов күре жолының құрылысы аяқталды. Елбасымыздың «Нұрлы жол» мемлекеттік бағдарламасы аясында 104 шақырым даңғыл жол салынды. Сайқын, Жәнібек, Қазталов сияқты аудан орталықтарының әрқайсының ішінде 9-10 көшеден асфальт төселді. Әр аудан орталығында жылына кем дегенде екі көшеден жөнделіп келеді. Тек биыл Орал қа-ласының 50 көшесі асфальтталды. Депо көпірі пайдалануға беріліп, тағы бір маңызды көпіріміз қайта салу үшін жабылды. Елбасымыздың өңірімізге жасаған сапарында берілген тапсырмасына сәйкес, келесі жылы Қазталов – Жәнібек – Сайқын – Орда бағытына жол құрылысы басталады. «Нұрлы жер» бағдарламасы бойынша өңірімізде 3500-ге жуық пәтер пайдалануға берілуде.

Оның 26-сы көпқабатты үйден, қалған 104 үй аудандарда табысталуда. Елбасының бес әлеуметтік бастамасында айтылған «7-20-25» бағдарламасы бойынша жүзден астам отбасы баспанаға ие болды. Тозығы жеткен үйлердің орнына жаңа зәулім үйлер салу тәжірибесі де нәтижелі жүруде. Атап айтар болсақ, апатты жағдайдағы 44 үйдің 17-і жаңартылуда. Яғни 50 пайызға жуығын жаңалау жұмыстары қарқынды жүруде. Тұрғындардың өмір сүру сапасын арттыру мақсатында келесі жылы да осы қарқынды төмендетпей тағы 3500 отбасыны баспанамен қамтамасыз ету жоспарымызда бар. Өмір сүру сапасының артуына азаматтардың білім деңгейлерінің де ық-палы зор. Бұл бағыттағы материалдық-техникалық базаны нығайту үшін биыл 3 млрд. теңгеге жуық қаражат бө-лінді. Мемлекеттің қолдауы мен жеке кәсіпкерлердің белсенділігінің нәтижесінде облысымыздағы балабақша-лар саны 500-ге жетті, оның 52-сі – жеке балабақшалар.

Балаларды кезекке қою Орал қаласында электронды жүйеге көшірілді. Нәтижесінде үш жастан алты жасқа дейінгі балалар мектепке дейінгі біліммен жүз пайыз қамтылды. Ал бір жастан алты жасқа дейінгі балаларды қамтамасыз ету көрсеткіші жетпіс пайызды құрайды. Қала және ауыл мектептерінің білім беру ресурстарына тең қолжетімділігін арттыру мақсатында барлық 225 (100%) шағын жинақты мектеп 567 бірлік компьютер-трансформерлермен қамтылды. Сондай-ақ облыс мектептеріне 1500-ге жуық компьютер сатып алынды. Өңірде «Нұр Отан» партиясының қолдауымен 15 IT-сынып ашылып, IT-лицей жұмыс істей бастады. Келесі жылы пар-тиялық жоба бойынша тағы 50 IT-сынып ашылады. Алдағы жылы 15 білім беру нысанын күрделі жөндеу көзделуде. Сонымен қатар 146 мектепті бейнебақылау камераларымен жабдықтау жоспарланды. Бұл қауіпсіздік мәселесін арттырады, – деді облыс әкімі Алтай Көлгінов сессияны қорытын-дылаған сөзінде.

Ол сондай-ақ тұрғындарды газбен қамту, жылу жүйелерін жаңғырту, денсаулық сақтау саласы, спортты дамыту, кәсіпкерлікті кеңейту, ауыл шаруашылығын қолдау бағытында өңірімізде атқарылып жатқан қарқынды істерге егжей-тегжейлі тоқталды. Алтай Сейдірұлы өз сөзінде өңірімізде 2018 жылға жоспарланған істердің барлығы бірдей сәтті жүзеге асырылғанын айтып, жиынға қатысушыларды келіп қалған ел Тәуелсіздігі мерекесімен құттықтады. Жиын соңында бір топ депутатқа нәтижелі жұмыстары үшін Батыс Қазақстан облысының Құрмет грамотасы  табысталды.

Нұртас   НАБИОЛЛАҰЛЫ,

«Орал   өңірі»


«Еңселі егемен ел»

Күні: , 16 рет оқылды

Кеше Х. Бөкеева атындағы облыстық қазақ драма театрында Отанымыздың Тәуелсіздік күніне арналған «Еңселі егемен ел» атты мерекелік шара өтті. Оған ардагерлер мен БҚО ҚХА мүшелері, облыстық басқармалардың басшы-қосшылары, ҮЕҰ өкілдері мен жастар қатысты.

Азаттықтың ақ таңы атқан, тарих беттеріне алтын әріптермен жазылған мерейлі де мәртебелі мейрам – Тәуелсіздік күні қарсаңындағы салтанатты жиынға жиылған жұртшылықты облыс әкімі Алтай Көлгінов құттықтады.

– Баршаңызды осынау тарихи, ең қасиетті де қастерлі мерекеміз – Қазақстанның Тәуелсіздік күнімен шын жүректен құттықтаймын. Ата-бабамыз аңсаған еңселі егемен ел болдық. Тәуелсіздіктің ең алғашқы жылдары небір қиындықты бастан кешіріп, ыстығы мен суығына қатар төзіп, бізді осы мамыражай күнге жеткізген аға ұрпаққа, осында отырған ардагерлерге мың алғыс. Елбасы Нұрсұлтан Әбішұлы Назарбаевтың басшылығымен Қазақстанды дамыған 30 елдің қатарына қосу жолында кешенді бағдарламалар қабылданып, халықтың игілігі үшін ауқымды шаруа, іргелі істер атқарылуда. Олар қазір халықтың игілігі үшін жемісті жүзеге асуда. Жуырда өз Жолдауында Президентіміз, әсіресе, өңірлер үшін ең маңызды сапалы жол, таза су, баспана, ауыл шаруашылығы мен кәсіпкерлікті қолдау, жастарға қамқорлық жасау, білім мен денсаулық сақтау салаларын дамыту, цифрландыру сияқты  мәселелерді бекітті.

Біз тарихымыз терең, кең байтақ, көпұлтты Ұлы дала еліміз. Алдыңғы буын ардагерлеріміз бізге эстафетаны берді, енді біз кейінгі ұрпаққа дамыған елдің кілтін табыстауымыз қажет. Сол үшін аянбай еңбек етуіміз керек. Батыс Қазақстан облысы қажырлы еңбекті, бірлік пен татулықты бағалай білетін бірден-бір өңір. Халқы білімді, мәдениетті, еңбекқор. Қазір Оралға келем деуші инвесторлар, іскер және білімді азаматтар көп. Демек, біздің өңір кәсіпкерге де, қарапайым еңбек адамына да, мемлекеттік қызметкерге де тартымды. Біздің орнымызға өзге біреу келіп, мемлекетімізді дамытпайды. Әрине, өмір болған соң, жауабын күткен мәселе көп. Бірақ ең күрделі, ең өзекті мәселелер шешімін тауып жатыр. Осының бәрі еңбектің, бірліктің арқасы, Тәуелсіздіктің нәтижесі. Тәуелсіздіктің тұғыры биік болсын!

Мерекеден мерекеге жоғары жетістіктермен жете берейік! – деді Алтай Сейдірұлы.

Салтанатты шара барысында облыстың танымал өнер майталмандары ерекше концерттік бағдарламамен көрерменге мерекелік көңіл күй тарту етті. Көк байрағы желбіреген, бүгінгідей абыройлы да айбынды, берекелі де беделді, береке-бірлігі жарасқан еліміздің егемендігі мәңгілік, тәуелсіздігі тұғырлы болсын!

Динара   ЖҰМАБЕКҚЫЗЫ,

«Орал   өңірі»


Марапат құтты болсын, отандастар!

Күні: , 53 рет оқылды

Тәуелсіздік күні қарсаңында облыс әкімі Алтай Көлгінов Қазақстан Республикасы Президенті Нұрсұлтан Назарбаевтың Жарлығымен мемлекеттік және қоғамдық қызметке сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін бір топ батысқазақстандыққа мемлекеттік наградаларды табыстады.

Орал қаласындағы Салтанат сарайында өткен салтанатты шара барысында облыс басшысы алдымен қатысушыларды Тәуелсіздік мей-рамымен құттықтады.

– Тәуелсіздік – азат ел болуды ата-бабамыз армандаған, аға ұрпақ жақындатқан, ал бүгінгі буын шындыққа айналдырған қастерлі ұғым. Мемлекетіміздің мерейлі мерекесі Тәуелсіздік күнімен баршаңызды шын жүректен құттықтаймын! Тәуелсіздік жылдары Елбасының бастамасымен тарихи сілкініс жасалып, ұлы істер атқарылды. Осылайша аз уақыт ішінде қуатты ұлтқа, дәулетті елге айналдық. Президентіміздің ерік-жігерінің нәтижесінде қарулы қақтығыссыз, мылтықты майдансыз мемлекет шекарасы айқындалды. Іргеміз мызғымастай бекітілді. Тағдыр тоғыстырған, тарих табыстырған түрлі этнос өкілдері Отанымызды өркендетуге атсалысып, тату-тәтті ғұмыр кешуде. Ел экономикасы қарқынды дамып келеді. Оны өңіріміздің тұрғындары да айқын сезінуде. «Қазақстандықтардың әл ауқатының өсуі: табыс пен тұрмыс сапасын арттыру» атты Елбасының биылғы Жолдауының негізгі мәні тұрғындардың өмір сүру сапасын арттыру. Бүгінде өңіріміздің табиғи газбен қамтылу деңгейі 95 пайыздан асты. Орал қаласын қоспағанда, Ақжайық, Бөкей ордасы, Жәнібек аудандары көгілдір отынмен толықтай қамтылды. Бұл көрсеткішке Жаңақала, Зеленов, Шыңғырлау аудандарының деңгейі де жақындап қалды. Алдағы жылда тағы Қазталов, Теректі аудандарының 22 елді мекеніне газ тартылмақ.

2016 жылы өңіріміздің небары 30 пайызы ауыз сумен қамтылған болатын. Ал бүгінде бұл көрсеткіш 46,5 пайызға жетті. Осы уақыт аралығында 2 мың шақырым су құбыры тартылып, 110 елді мекен орталықтандырылған таза ауыз сумен қамтылды. Облыс орталығынан шалғайда жатқан Бөкей ордасы, Жәнібек, Жаңақала аудандары 100 пайыз сумен қамтылып отыр. Келесі жылы тағы елу елді мекенге таза ауыз суын кіргізбекпіз. Яғни, 2020 жылы халықты таза сумен қамту көрсеткіші 50 пайыздан асады. Жыл сайын 500 шақырым жол жөнделіп келеді. Жуырда жалпыұлттық телекөпірде Елбасының қатысуымен Орал – Тасқала – Озинки күре жолының жөндеу жұмыстары аяқталды. «Нұрлы жол» бағдарламасы арқылы 26 млрд. теңгеге жаңа жолдар салынып, ескі жолдар жөнделді. Болашақта салынатын стратегиялық нысандарды қолға алдық. Келесі жылы тек қана облыс орталығының жолын жөндеуге 9 млрд. теңге қарастырылып отыр. Облыс орталығында қосымша жаңа көпір салынады. «Нұрлы жер», «7-20-25» бағдарламаларына сәйкес биыл 3500 отбасыға арналған пәтерлер салынуда. 500 гектар аумаққа «Ақжайық» шағынауданы салынып, келесі жылы алғашқы үйлердің іргетасы қаланбақ. Қорыта айтқанда, әрбір елді мекенде кемінде бір қуанышты жаңалық орын алып жатыр. Бұл – Елбасымыздың жүргізіп отырған экономикалық саясатының жетістігі. Сонымен қатар әр қазақстандықтың ерен еңбегінің нәтижесі деп білеміз. Қазақстанды Мәңгілік елге айналдыру жолында жұмылып еңбек ету – әрқайсымыздың басты міндетіміз, – деді Алтай Сейдірұлы.

«Парасат»,  «Құрмет», «ІІІ дәрежелі Еңбек даңқы» ордендері және «Ерен еңбегі үшін», «Шапағат» медальдарымен, ҚР Құрмет грамотасымен және «Астана – 20 жыл» мерейтойлық медалімен марапатталған жерлестер алғыстарын білдірді.

Абат   ЕСЕНҒАЛИЕВ, еңбек  ардагері:

– Осыдан 27 жыл бұрын қазақ елінің Тәуелсіздігін жариялаған Алматыдағы жиналысқа қатысқандардың бірі менмін. 27 жылда еліміз әлемге танылды. Алдыңғы қатарлы елдермен тереземізді теңестірдік. Бұл Елбасымыздың салиқалы саясатының мәуелі жемісі. Ішкі саясатымыз туралы айтсақ, бүтін шетел қызығатын жағдайымыз бар. Ұлтаралық ынтымақ пен дінаралық татулықты нығайту мақсатында ассамблеяны құру – Президенттің көрегендігі. Біз – ата-анамыз, зейнеткерміз. Балаларымыз алаңсыз білім алып, жұмысқа орналасып, немерелеріміздің алаңсыз ойнап, тыныш ұйықтай алатыны қуантады. Барша қазақстандықты Тәуелсіздік мерекесімен құттықтаймын! Жанұяларыңызда амандық болсын. Тәуелсіздігіміз баянды болсын. Бүгін марапатталған батысқазақстандықтар атынан азды-көпті  жұмысымызды  бағалап,  марапатқа  ұсынған  облыс әкіміне  алғыс  білдіремін.

Игорь  СТЕКСОВ, Облыс  әкімінің бірінші орынбасары:

– Бүгінгі марапат мен үшін зор мәртебе. Агроөнеркәсіп кешенін дамыту мәселелері бойынша қызмет етемін. ҚР Ауыл шаруашылығы министрлігі алқаптарды суару-суландыру жүйесін іске қосатын шетелдік инвесторларды тарту бағытында жұмыстануда. Болашақта ауыл шаруашылығы қарқынды дамиды деп сенеміз. Өйткені, бұл салада нақты істер атқарылып, жүйелі жобалар бекітіліп, қомақты қаржы бөлінуде.

Наталья   КОПЕЕЧКИНА, А. Островский атындағы драма театрының әртісі:

– Театрда 15 жылдан бері қызмет етіп келемін. Әрине, бүгінге дейін де мәдениет саласындағы әртістік еңбегіміз тиісінше бағаланып жүр. Соның ішінде бүгінгі марапатымыз үшін ерекше қуаныштымыз. Облыс басшысы Алтай Көлгінов театрымызға отбасымен бірге жиі келіп, көріністер мен балаларға арналған ертегі қойылымдарын тамашалап тұрады. А. Островский атындағы театр қызметкерлері өзінің әр көрерменін бағалайды. Мереке қарсаңында қуанышты көңіл күй сыйлаған жандарға алғысымызды білдіреміз.

Жұбаныш  ХАЙРУЛЛИН, Бөрлі ауданы, Пугачев ауылдық округі әкімінің орынбасары:

– 2002 жылдан бастап жауапты мемлекеттік қызмет атқарып келемін. Мемлекеттік бағдарламаларға сәйкес келесі жылы ауы-лымызда сүт фермасы ашылмақ. Соған орай құрылыс жұмыстары қарқынды жүргізілуде. Тәуелсіздік мерекесі қарсаңында көпұлтты мемлекетіміздегі  әр отбасыға  бақыт  пен  ынтымақ  тілеймін.

Айым   ТӨЛЕУҒАЛИ,

«Орал   өңірі»


6 сессия, 68 мәселе

Күні: , 17 рет оқылды

Өткен жылы облыстық бюджет бекітілгенде 105 миллиард теңгені құраса, соңғы нақтылауда ол 133 миллиард теңгеге ұлғайтылды. Бұл туралы Өңірлік коммуникациялар қызметінде өткен брифингте облыстық мәслихаттың хатшысы Мәлік Құлшар айтты.

Биыл облыстың жалпы өңірлік өнімінің көрсеткіші 1,2 трлн. теңгені құрап, өсімі 0,6% болды. Өнеркәсіп өнімінің көлемі 1,8 млрд. теңгеге жеткен. Өңір экономикасының барлық саласына қарқынды даму тән. Негізгі капиталға құйылған инвестициялар көлемі 273 млрд. теңгенің үстінде және оның өсімі 4,5%-ды көрсетті. Сыртқы инвестициялар 165 млрд. теңгеге жетіп, негізгі капиталдағы үлесі 60%-дан асқан. Индустрияландыру картасы бойынша облыста 362 жұмыс орнын құрумен 22 млрд. теңгеге 10 жобаны іске қосу жоспарланған. Соның төртеуі «жандандырылды».

Мәлік Құлшардың айтуынша, биылғы жылы ауыл шаруашылығын қолдау шараларына 12 млрд. теңге бөлінді, бұл былтырмен салыстырғанда 30%-ға артық көрсеткіш. Ауыл шаруашылығындағы жалпы өнім 104 млрд. теңгені құрады. Салаға 2,5 млрд. теңгеден астам инвестиция тартылды. Биыл «Нұрлы жол» және «Нұрлы жер» бағдарламалары бойынша өңірге 36,3 млрд. теңге, 450 шақырымдық аутожол құрылысына 32 млрд. теңге бөлінген. Республикалық маңызы бар жолдардың 285 шақырымы, ал Оралда 50 көше жолы жөнделуде. «Нұрлы жер» бағдарламасы бойынша Оралда 26 көппәтерлік және аудандарда 104 тұрғын үй салынуда. Жыл соңында 6 тұрғын үй (688 пәтерлік) ауылдарда 83 тұрғын үй (139 пәтер) пайдалануға берілмек. Ал, «7-20-25» бағдарламасы бойынша 75 пәтер пайдалануға берілсе, енді 280 пәтер дайын тұр.

Облыс тұрғындарын ауыз сумен және көгілдір отынмен қамту бағытында да қарқынды жұмыстар жүруде.

– Биыл облыстық мәслихаттың 6 сессиясы өтіп, онда 68 мәселе қаралды. Халық қалаулылары төрт рет облыстық бюджетті нақтылады. Облыстық бюджет өткен жылы  6 желтоқсанда бекітілгенде 105 миллиард теңгені құраса, соңғы нақтылаумен облыстық бюджет 133 миллиард теңгеге ұлғайтылды, – деді Мәлік Иманқұлұлы брифингте.

Гүлбаршын   ӘЖІГЕРЕЕВА,

«Орал  өңірі»


Көктайғақ кезіндегі халықтың жүріс-тұрыс ережелері

Күні: , 10 рет оқылды

Көктайғақ — қатты жағдайға дейін тегістелген және үсті тайғанақ мұз немесе қар қабаты. Көктайғақ – мұз қатпас бұрын су тұрған жерлерде немесе көлік қозғалысына немесе жаяу жүргіншілердің көп болуына байланысты қар тығыздалатын жерлерде пайда болады. Көбінесе бұл жолдар мен тротуарлар да болады. Статистика бойынша, қысқы уақытта барлық ЖКО-ның 40%-ы көктайғақтан және қар жауудан туындаған. Жүргізушілер үшін қозғалыстың негізгі шарты-сақтық, төмен жылдамдық және айрықша сақтық. Көктайғақ кезінде жаяу жүргіншіге екі қауіп-қатер төнідеді ол-тайып кету және құлап қалу немесе машинаның астына түсу. Суық түскеннен бастап жолда жарақаталулардың саны өсуде: соғылу, шығып кету және сыну. Дәрігерлердің мәліметінше, мұндай күндері зардап шеккендер саны 2 есеге артып отыр.

Құлау ықтималдығын азайту үшін көктайғақ кезінде келесі ережелерді сақтау қажет:

Табаны сырғанамайтын табаны микрокеуекті аяқ киімді таңдап, биік тақалы аяқ киімдерден бас тартыңыз. Өзіңіз аяқ астыңызға қарап, қауіпті жерлерді айналып өтуге тырысыңыз. Егер мұзды «шалшықты»  айналып өту мүмкін болмаса, онда шаңғышы сияқты сырғанай ақырындап қозғалыңыз. Жолдың жүру бөлігінде өте сақ болыңыз: асықпаңыз және жүгірмеңіз.  Көлбеу (қиғаш) беті бар барлық жерлерді айналып өтуге тырысыңыз. Аяқ киімнің табанын толық басып, аяқтың тізесін аздап босаң ұстап жүру керек. Қолдар мүмкіндігінше бос болуы керек, ауыр сөмке көтермеуге тырысыңыз,  қолыңызды қалтаңызға салмаңыз — бұл құлау мүмкіндігін арттырады. Қарт  адамдарға резеңке ұштығы бар немесе арнайы ұшты таяқ қолдануға кеңес беріледі.

Егер тайып кеткен жағдайда құлау биіктігін төмендету үшін отыра қалыңыз. Құлау кезінде жиналып алуға тырысып, домалау арқылы жерге құлауды жеңілдетіңіз. Қолыңыздағы заттарды құтқаруға тырыспаңыз. Көтерілуге асықпаңыз, алдымен жарақаттанбағаныңызға көз жеткізіп алыңыз,  жүргіншілер денсізге көмектесуін сұраңыз.

Есіңізде болсын: әсіресе, арқамен шалқалап құлау қауіпті, себебі бас жерге соғылып ми шайқалуы мүмкін. Жарақаталған кезде медициналық көмек алу үшін міндетті түрде дәрігерге хабарласыңыз.

 

Орaл қaлaсы Төтeншe жaғдaйлaр бaсқaрмaсының бaс мaмaны aзaмaттық қорғaу aғa лeйтeнaнты  М.С Нaзaров


Түйетізелік пайдалы екен!

Күні: , 39 рет оқылды

Өз  басым  «Орал өңірі»  газетінің «Басты байлық» бетін  мұқият  оқимын. Себебі,  бұл  бетте  әр  түрлі ауру-сырқаудан  емделу жолдары,  дерт  атаулының алдын  алуды  көздеген дәрігерлік  кеңестер,  сауатты  тамақтану,  саламатты өмір  салтын  қалыптастыру  сықылды көкейкесті  мәселелерді арқау  еткен  үлкен-кішіге  бірдей  өте  пайдалы мақалалар  жарық  көреді.

Мысалы, «Орал өңірінің» биылғы 18 қазан күнгі санында газет тілшісі Гүлсезім Бияшеваның «Буын неге сырқырайды?» атты мақаласы жарық көрді. Буын дертіне шалдыққан науқастар үшін таптырмас дүние. Мені де соңғы бірер жылдан бері қос тізем қатарынан сырқырап мазалап жүр.

Дәрігерлер қояр диагнозын қойғасын тиісті ем-домды алып тұрамын ғой. Бірақ кейде қос жіліктің арасынан салынатын бағасы удай қымбат укол-екпелердің өзіне күдік-күмәнмен қарайтын болдым. Мәселен, биыл көктем шыға әр тіземе үш-үштен «Беларто» деген дәріден алты укол алдым. Әр екпе үшін алынатын бір дәрінің құны 15 мың теңге. Сонда алты уколыңыздың жалпы құны – 90 000 теңге деген сөз. Алайда осыншама қарайған ақшаға ем-дом қабылдағаныммен, соның тап бір керім әсерін сезіне қойғаным жоқ. Енді айтайын дегенім, биыл Алматыда оқитын студент немерем жазғы каникулға келе жатып, Қызылорда облысының аумағындағы теміржол стансаларының бірінен маған арнап екі түйетізелік сатып алған екен. Қазір соның рахатын көріп жүрмін. Күн суықта жаңағы қос түйетізелікті киіп аламын. Содан екі тіземнің тұсы қыз-қыз қайнап, суықты сезінбеймін. Үйге кіргесін де, тізелікті біраз уақыт шешпей, қос тіземе қасиетті түйе түлігінің түбітінің қызуын сіңіремін. Бастапқыда сәл жүргеннен кейін тізеліктер сырғып кетіп, ыңғайсыздық туғызатын. Оның амалын бәйбішем тапты. Ол мына суреттен көріп отырғаныңыздай, тізеліктердің асты-үстін тым қыспайтындай, бірақ түсіп те кетпейтіндей қылып, резеңке өткізіп берді. Брежнев жарықтықтың заманында газеттерде «Озат тәжірибе – көпке ортақ» деген айдар болды ғой, сол сияқты шипасын сезініп жүрген түйетізеліктің пайдасын көпке таратқанды қош көрдім.

Жәдігер   АҚҚАЙЫРОВ,

Теректі   ауданы


Елдің жарқын болашағы – жалынды жастар

Күні: , 44 рет оқылды

Кеше  облыстық жастар саясаты мәселелері басқармасының ұйымдастыруымен «Жастардың қуаты: Көшбасшылық. Жаңа бастамалар. Даму» атты  облыстық жастар форумы өтті. Талантты жастарды қолдау, өңірдің дамуына жаңа идеямен атсалысуға үндеуді мақсат  тұтқан шараға облыс  әкімі Алтай  Көлгінов қатысты.

Форумда түрлі салада еңбегімен жарқырай көрініп, табысқа ерте қол жеткізген жастар ойларын ортаға салды. Франциядағы Эколь Супериор биотехнология университетінің магистрі, Назарбаев университетінің инновация және даму департаментінің маманы, «Onai» компаниясының құрылтайшысы Дамель Мектепбаева әлемде биотехнологияның қарқынды дамып жатқаны және гендік өзгерістер, Мур заңының ерекшелігі жөнінде әңгімеледі. «Болашақ» халықаралық бағдарламасының түлегі, «Дарын» жастар сыйлығының иегері, «Gentr Azia Group» ЖШС-ның директоры Олжас Сүлейменов бизнесте бастаған алғашқы жобалары, кәсіпкерлікке шыңдалу, өрлеу жолы жайында айтты.

– Қазталов ауданындағы Қараоба ауылында туып-өстім. Жәңгір хан атындағы БҚАТУ-дың машина-жасау факультетін тәмамдадым. Айтар кеңесім, студенттік шақта өте белсенді болыңдар. Көшбас-шы болуға ұмтыла отырып, тәжірибе жинақтайсыңдар, бойларыңда жақсы дағдылар қалыптасады. Ешқандай тамыр-таныссыз жұмысқа орналасуға, игі қасиеттеріңмен айрықша көрінуге болады. Қазіргі уақытта «Яндекс Такси» компаниясының Оралдағы филиалын басқарамын. Компанияға қабыл-данар алдында тәуекелге бел буып,  әңгімелесуден сәтті өткенім есімде,  – деді форумда сөйлеген «Business Power» жобасының ұйымдастырушысы Айнаш  Бижанова.

Одан әрмен Орал қаласындағы Назарбаев зияткерлік мектебінің оқушысы Азиз Талап энергия өндіруге қатысты жаңа жобаларымен таныстырды. «EMA – 2018» еуразиялық музыкалық сыйлықақы мен «Жыл таңдауы – 2018» жүлдесінің иегері, әнші Райымбек Бақтыгереев, «Назар аудар» комедия театрының әртісі Ақболат Өтебаев сөйледі. Форумда жастарды кәсіпкерлікке баулу үшін грант қаржысы берілетін «Jas Pro-ject» жобасы таныстырылды.

– Мемлекет жастардың білім алып, еңбек етіп, зор жетістіктерге ие болуына жағдай жасауда. Жастар жылының жариялануы – еліміздің жас ұрпақты қамқорлай алатынының айқын белгісі. Елбасының бес әлеуметтік бастамасына сәйкес өңірімізде студенттерге арналған бес жатақхана салынады. «Болашақ» халықаралық бағдарламасына биыл – 25 жыл. Мемлекет басшысы білімді жастарымыздың көбеюіне, зияткер ұлт болып қалыптасуымызға баса көңіл бөліп отыр. Ақ Жайық өңірі – Ұлы дала елінің батыс қақпасы. Сондықтан Оралда жастар еуропалық білім алып жатыр деп сеніммен айта аламын және ұдайы айтып жүремін. Форумда жастарға өз жетістіктері жөнінде айтуға, тәжірибесімен бөлісуге мүмкіндік бердік. Олардың ой-толғамдары, форум қатысушыларына бағыт-бағдар сілтеуі көңілімізден шықты. Жастарымыз ғылымға терең бет бұруда. Өз салаңда көшбасшы болу оңай емес. Ол үшін тынымсыз еңбектену қажет. Әр қадамын өлшеп басып, ақылмен таразылап, мақсатына тынымсыз ұмтылатын адам зор нәтижеге жетеді. Қазіргі уақытта еңбек еткенге мемлекетіміз жағдай жасайды. Еңбек нарығында бәсекелестікке шыдаудың маңызы зор. Бұл бағытта мемлекеттік құрылымдар мен жастар ұйымдарының арақатынасын нығайту бағытында іс-шаралар атқарылуда. Биыл Орал қаласын дамыту мақсатында «Жастарға арналған 101 идея» науқаны басталды. Соған сәйкес www.crowd.kz.2050.kz краудсорсинг тұғырнамасы ашылды. Тұғырнамаға жастар тарапынан жолданған ұсыныспікірлер «Жастарды дамытудың жол картасына» енгізіледі. Өңірі-мізде мемлекеттік бағдарламалар аясында жастарға қолдау көрсетудеміз. Облыста биыл 10 мыңнан астам жас жұмыспен қамтылды. «Дипломмен ауылға» бағдарламасы арқылы 500-ге жуық маман жолдама алды. Бүгінгі форум қатысушыларының 60 пайызы – ауыл жастары. Алдағы уақытта аудан-ауылдарда жаңа мектептер, спорт алаңдары салынады. Келесі жылы 60 елді мекенге сапалы интернет желісі тартылады. Жас кәсіпкерлерге шағын несие берілуде. Болашақ бастауы – ауылда. Жалпы, жастар жылына көптеген жоба мен іс-шара жоспарладық,  – деген облыс әкімі Алтай Көлгінов жиында түрлі бағытта белсенділік танытып,  тың жобалармен көзге түскен жастарды алғысхатпен марапаттады. Айта кетейік, форумға дейін «Ұлы даланың жеті қыры», «Цифрлық Қазақстан», «Жаңа идеялар және жастардың жобалары» атты секциялық отырыстар өткізілді.

Нұртай  АЛТАЙҰЛЫ,

«Орал  өңірі»


Саратовқа жол ашық

Күні: , 43 рет оқылды

Елбасының  қатысуымен  өткен  жалпыұлттық  телекөпірде «Орал – Тасқала – Ресей шекарасы» 104 шақырымдық аутожолы пайдалануға берілді.

Күрежолдың бойынан телекөпірге қосылған «ҚазАвтоЖол» ҰК» АҚ-ның басқарма төрағасы Ермек Қизатов Елбасына аталмыш бағыттағы аутожолды  жаңғырту жұмыстарының аяқталғанын мәлімдеді.

– «Нұрлы жол» мемлекеттік бағдарламасын іске асыру бойынша «Орал – Тасқала» аутомобиль жолын қайта жаңғырту жұмыстары аяқталды. Екі жылдың ішінде өзге салалардан 1,5 мыңнан аса маман жұмысқа тартылып, 100 шақырым жол жаңартылды. Сонымен қатар Қазақстан – Ресей шекаралық бекетінің көліктерді өткізу қабілеті екі есеге артады. Осы жол «Батыс Еуропа – Батыс Қытай» халықаралық көлік дәлізіндегі транзиттің өсуіне мүмкіндік береді. Құрметті Нұрсұлтан Әбішұлы, Орал – Тасқала тасжолы іске қосылуға дайын. Қозғалысты бастауға рұқсат сұраймыз, – деді  Е. Қизатов.

Мемлекет  басшысы рұқсат бергеннен кейін аутокөлік жолдары құрылысына алдағы уақытта  да  ерекше  мән  берілетінін  атап  өтті.

Аталмыш шара кезінде дәстүрлі «Алтын сапа» және «Парыз» сыйлықтарының жеңімпаздары анықталды. Теректі ауданы еліміздегі 200-ден аса ауданның ішінен бизнес жүргізуге қолайлы жағдай жасаған үздік аудан ретінде танылды. Елбасы Нұрсұлтан Әбішұлы Теректі ауданының әкімі Әділ Жоламановқа арнайы  марапатты  табыс  етті.

Телекөпір  аяқталысымен, Батыс  Қазақстан  облысының  әкімі  Алтай  Көлгінов  БАҚ  өкілдеріне сұхбат  берді.

– «Нұрлы жол» бағдарламасы аясында жол жөндеу жұмыстарын жылма-жыл қарқынды атқарып келеміз. Биылдың өзінде 500 шақырым жолды жөндеуді бастадық. Соның 450 шақырымын жылдың соңына дейін тәмамдадық. Қазір Президенттің «Нұрлы жол» бағдарламасына сәйкес аяқталған 104 шақырымдық  күре жолды аштық. Бұл жолдың республикалық, халықаралық маңызы бар. Мұндай жолдардың жақсарғаны тұрғындардың өмір сапасын арттыруға, бизнесті дамытуға зор мүмкіндік береді. Біз инвестициялар және даму министрлігі, «ҚазАвто-Жол» ұлттық компаниясымен бірге 285 шақырым республикалық маңызы бар жолды жаңғырттық. Облыс орталығында да жол жөндеу жұмыстарының қарқынын күшейтіп келеміз. Бұл мақсатта жыл сайын 7-8 миллиард теңге бөлінуде. Алдағы он жылдың ішінде Орал шаһарының тұрғындары 500 мыңға жетпек. Соған инфрақұрылым дайын болуы керек. Сонымен бірге экономикамызды дамыту үшін транзиттік әлеуетті күшейту керек. Алдағы уақытта Саратов және Самара тасжолдарын қайта жаңғыртудан өткіземіз. Сонда, әсіресе, үлкен жүк тасымалдаушы көліктер айналма жолдармен өтетін болады. Сонымен бірге көлік-логистикалық орталықтарды салу жұмыстары басталды. Шағын және орта бизнесті дамыту – Президенттің біздің алдымызға қойған үлкен міндеті. Біздің облыс қазір республикада шағын және орта бизнестің қолайлы жағдайын жасау рейтингінде төртінші орынға ие болып отыр. Бұл – Президент бағдарламаларының  іске асырылуы, сондай-ақ біздің ашықтықты қамтамасыз ету және әкімшілік кедергілерді алып тастау, қызметтерді цифрландыру бағытындағы жұмыстарымыздың нәтижесі. Республикамызда 220-дан астам аудан болса, шағын және орта кәсіпкерліктің дамуына қолайлы жағдай туғызу бойынша біздің Теректі ауданы бірінші орын алып отыр. Ол – біздің кәсіпкерлердің белсенділігі, мемлекеттің жасаған қолайлы жағдайының арқасы, – деді  Алтай Сейдірұлы.

Нұртас  НАБИОЛЛАҰЛЫ,

«Орал  өңірі»


Елбасы жалпыұлттық телекөпір барысында ел әлеуетін еселейтін жобаларды іске қосты

Күні: , 26 рет оқылды

Мемлекет басшысы Нұрсұлтан Назарбаевтың қатысуымен индустрияландыру күні аясында «Индустрияландырудың екінші бесжылдығы: Қазақстанда жасалған» телекөпірі өтті. Аталған шарада еліміздің әр өңірімен тікелей байланыс орнап, онлайн режімде бірқатар индустриялық, инфрақұрылымдық, аграрлық және цифрлы жобалар іске қосылды.

Индустрияландыру күніне арналған телекөпір барысында Мемлекет басшысына индустриялық-инновациялық даму бағдарламасы аясында жүзеге асырылған 28 жаңа жоба таныстырылды.

– Бүгін біз индустрияландырудың биылғы қорытындысын жасадық. Баршаңызды жаңа жоба-лардың іске қосылуымен, жаңа мамандықтардың пайда болуымен және ел тұрғындарының жаңа табысымен құттықтаймын! – деді Қазақстан Президенті.

Нұрсұлтан Назарбаев әлемдегі қалыптасқан жағдайларға қарамастан, елімізде құрылымдық өзгерістер мен институционалдық реформалардың іске асырылып жатқанына тоқталды.

– Біз ел экономикасын әртараптандыру жөнінде шаралар қабылдап жатырмыз. Бизнес жүргізуге қолайлы жағдай қалыптас-тыру, инвестициялық ахуал мен сот жүйесін жақсарту жөнінде ауқымды жұмыстар жүргізілуде. Былтыр еліміздің Үшінші жаңғыруын бастадық. Биыл Бес әлеуметтік бастаманы іске асыру жөнінде жария еттім. Қазіргі Жолдаудың негізгі мақсаты – қазақстандықтардың әл-ауқаты мен тұрмыс сапасын арттыру, – деді Мемлекет  басшысы.

Қазақстан Президенті бүгінде еліміздің алдында экономиканы одан әрі әртараптандыру, инфрақұрылымды жақсарту және өнімділікті арттыру жөніндегі ауқымды міндеттер тұрғанын атап өтті.

Нұрсұлтан Назарбаев индустрияландыру бағдарламасы еліміздің орнықты және әртараптанған экономикасын құру үдерісінде негізгі рөл атқаратынын айтып, оны іске асыру барысындағы нақты нәтижелерге тоқталды.

– Біз индустрияландыру кезеңінде 1250 жаңа кәсіпорын құрдық, соның ішінде 100 кәсіпорынды биыл іске қостық. 300 мыңнан астам жаңа жұмыс орны ашылды. Бүгінде әлемнің 110 елі Қазақстанда шығарылған өнімді тұтынуда. Соңғы жылдары біз бұған дейін елімізде жасалмаған бұйымдардың 500-ден астам түрін шығарып, 50-ге жуық жаңа тауар түрін экспорттап отырмыз, – деді Мемлекет басшысы.

Қазақстан Президенті шетелден келген инвестицияның төрттен бір бөлігі өңдеу секторына тиесілі екенін айтты.

Сонымен қатар Нұрсұлтан Назарбаев металлургия, машина жасау, инфрақұрылымдық даму және көлік-логистика салаларында жүзеге асырылған жобалар жөнінде  әңгімеледі.

– Біз азаматтардың жоғары тұрмыс сапасын қамтамасыз ету үшін мейлінше қолайлы жағдай жасап келеміз. «Нұрлы жер» бағдарламасы аясында тұрғын үй құрылысы қарқынды жүргізілуде. Өткен жылы біз рекордтық көрсеткішке қол жеткіздік. Елімізде 11,2 миллионнан астам шаршы метрді қамтитын тұрғын үй салынып, пайдалануға берілді. Биыл 12 миллион шаршы метр тұрғын үй немесе 100 мыңнан астам баспана салу жоспарланып отыр, – деді  Мемлекет  басшысы.

Сондай-ақ Қазақстан Президенті экономиканың түрлі салаларын цифрландыру және бірқатар кәсіпорынның өндіріс үдерісіне инновациялық шешімдерді енгізу барысына тоқталды. – Төртінші өнеркәсіптік революция элементтерін қамти отырып, өнеркәсіпті технологиялық тұрғыдан қайта жарақтандыру индустрияландыру бағдарламасының маңызды құрамдас бөлігі саналады. Қазақстан экономикасы әлемдік нарықтағы бәсекеге қабілеттілікті қамтамасыз ететін дамудың түбегейлі жаңа моделіне көшуге тиіс. Еуразия экономикалық одағы және Қытайдың «Бір белдеу, бір жол» халықаралық бастамасы аясындағы қазіргі экономикалық әлеуетті мейлінше тиімді пайдаланып, оны арттыру қажет, – деді Нұрсұлтан Назарбаев.

Мемлекет басшысы индустрияландырудың үшінші бағдарламасының стратегиясын нақты нәтижелерге бағыттай отырып, жан-жақты пысықтау керек екенін атап өтті.

– 2025 жылға қарай еңбек өнімділігі 1,7 есе, өнімді экспорттау көлемі 2,3 есе өсуге тиіс. Өңдеу өнеркәсібі мен шикізаттық емес экспортты қолдауға қосымша 500 миллиард теңге бөлу жөнінде тапсырма бердім. Бұл қаражат экспортқа бағытталған кәсіпорындарға қаржылай және қаржылай емес кешенді қолдау көрсетудің құралдарын көбейтуге жұмсалатын болады, – деді Қазақстан Президенті.

Елбасы өңдеу өнеркәсібінің барлық буынында салалық басым-дықтардан тиімді өндірушілерге қолдау көрсетуге көшу үдерісі жүргізілетінін  айтты.

– «Қарапайым заттар экономикасын» дамытуды ынталандыру қажет. Технологиялық тұрғыдан күрделі емес тұтыну заттарының импортын алмастыруға күш жұмылдыруымыз керек. Менің тапсырмам бойынша екінші деңгейлі банктердің басымдыққа ие жобаларын несиелендіру үшін қосымша 600 миллиард теңге бөлінетін болады, – деді Нұрсұлтан Назарбаев.

Сонымен қатар Мемлекет басшысы еңбек өнімділігін арттырудың және жеке секторды нығайтудың маңыздылығына тоқталды.

– Экономиканың нақты секторына ғылыми-техникалық қызметтер нәтижесін енгізу жөніндегі жұмыстарды жандандырған жөн. Мысалы, қазірдің өзінде Назарбаев университетінде 120 ғылыми-зерттеу зертханасы ашылды. Ғылыми әзірлемелер өндірістік міндеттерді шешуді көздейтін нақты кәсіпорындардың тапсырыстарына, соның ішінде жеке инвестициялар есебінен берілетін тапсырыстарға бағытталуға тиіс, – деді Елбасы.

Қазақстан Президенті индустриялық даму үдерісіне «Астана» халықаралық қаржы орталығы мен IТ-стартаптардың халықара-лық технопаркін тарту қажеттігін айтты. Бұл ретте, Үкіметке әртараптандыру және индустрияландыру мәселелерін кешенді түрде шешуге күш жұмылдыру жүктелді.

Телекөпір барысында Қазақстан Президенті «Бақыршық таукен өндіру кәсіпорны» мен Қарағанды облысының катодты мыс өндіретін «Алмалы» кен орнындағы құрылысы аяқталған «SaryArka Copper Processing» кәсіпорнын іске қосуға пәрмен берді. Сонымен қатар машина жасау және құрылыс индустриясы саласында Павлодар облысындағы «Проммашкомплект» теміржол доңғалақтарын өндіретін кәсіпорын онлайн-режімде іске қосылды. Бұл кәсіпорын теміржол доңғалақтары өндірісін жылына 75 мыңнан 200 мыңға дейін ұлғайтуға мүмкіндік береді.

Ал «Alageum Electric» АҚ Бақылау кеңесінің төрағасы Сайдулла Қожабаев Қазақстан тарихында бірінші болып кернеуі 220 кв трансформаторлар өндірісі жолға қойылғанын атап өтті. Сондай-ақ телекөпір барысында Шымкенттегі қуаты 110-220 кв трансформатор шығаратын «Asia Trafo» зауыты, Қызылорда облысындағы қуаты жылына 1 млн. тонна болатын «Гежуба Шиелі Цемент» Қазақстан – Қытай инвестициялық жобасы, Алматыдағы қуаты жылына 550 мың тонна қоқыс өңдейтін «Green Recycle» ЖШС кешені және Петропавлдағы қажетті халық тұтынатын тауарлар мен полимерлерді толық циклда қайта өңдейтін «Радуга» ЖШС металл-пластикалық бұйымдар зауыты да жұмысын бастады. Бұған қоса «KEGOC» АҚ 500 кв «Семей – Ақтоғай – Талдықорған – Алматы» желісі  іске  қосылды.

Сондай-ақ бұл күні Ақтөбе облысында қуаты 300 млн. м3 болатын Қожсай кен орнында «Gas Processing Company» ЖШС ілеспе мұнай газын қайта өңдеу жобасы жұмыс істей бастады. «Баламалы энергетика» саласында «Samruk Kazyna – United Green» ЖШС Жамбыл облысында қуаты 100 МВт болатын Қазақстан-Британ бірлескен жобасы – «Бурное» күн электр стансасын пайдалануға берді. Бұған қоса Маңғыстау облысының Түпқараған ауданындағы «KТ Редкометальная компания» ЖШС бірлескен кәсіпорны жел энергетикасының бірінші кезеңі іске қосылды. Телекөпір барысында Атырау облысындағы аграрлық сектор бойынша заманауи қондырғылармен жабдықталған «Карат» ЖШС автоматтандырылған диірмені, Ақмола облысындағы соңғы жылдары аграрлық саладағы ірі жобалардың бірі саналатын қуаты жылына 50 000 тонна ет өндіретін Макинск құс фабрикасының бірінші кезеңі, сондай-ақ Арқалық қаласындағы ет өңдейтін «Торғай Ет» ЖШС кешені пайдалануға берілді. Бұдан бөлек тамақ өнеркәсібі саласында Mareven Food Holdings трансұлттық холдингінің Алматы облысындағы ұнды терең өңдейтін және тамақ өнімдерін дайындайтын зауыты да өз жұмысын бастады. Индустрияландыру күні аясында Түркістан облысында түйе мен бие сүтін өңдейтін «Golden Camel Group LTD» ЖШС кәсіпорны іске қосылды. Онда құрғақ сүт, балалар тағамы және энергетикалық сусындар әзірленеді. Телекөпір барысында Мемлекет басшысы Нұрсұлтан Назарбаев бес әлеуметтік бастаманың бірі ретінде Астананы газдандыру жобасындағы Қызылорда – Жезқазған – Қарағанды – Теміртау – Астана бағыты бойынша ұзақтығы 1061 км болатын және жылына 2,2 мил-лиард текше метр газ өткізу мүмкіндігі бар «Сарыарқа» газ магистралінің 1-кезеңін іске қосуға пәрмен берді. Сондай-ақ Президент онлайн-режімде республика тарихындағы алғашқы концессиялық жоба – Үлкен Алматы айналма аутомобиль жолы құрылысының барысын бақылады. Онда 3 мыңға жуық жұмыс орны ашылмақ. Сонымен қатар Президент Батыс Қазақстан облысындағы елімізді Ресеймен және Шығыс Еуропамен байланыстыратын Орал – Тасқала аутожолы учаскесінде аутокөлік қозғалысын ашты.

Ал «Цифрлық Қазақстан» бағдарламасын іске асыру нәтижесінде Шығыс Қазақстан облысының Озерка ауылы мен Жамбыл облысына қарасты Өрнек ауылының тұрғындары кең жолақты интернетке қол жеткізді.

Елбасы Нұрсұлтан Назарбаев цифрландыру мүмкіндігінің арқа-сында еңбек өнімділігі артып, бұл бағыттағы жұмыстар қарқынды түр-де  жалғасатынын  жеткізді.

Цифрландыру аясында Екібастұзда Орталық Азиядағы ең ірі датаорталық, Қостанайда еліміздегі ең цифрлы диірмен кешені – «Бест Костанай» ЖШС іске қосылды. Астанада модем, коммутатор және автоматты цифрлы телефон стансасын өндіретін «DigitalSystemServis» ЖШС зауыты құрылды. Алматыда прибор жасау және радиоэлектроника инновациялық «Kaz Tech Innovations» ЖШС зауыты іске қосылды. Бұдан бөлек Мемлекет басшысы әуе жүк тасымалы саласында e-Freight және «Қазпошта» компаниясының фул-филмент-орталық – қағазсыз құжат айналымы ақпараттық жүйесінің жұмысын, «ҚазТрансОйлдың» мұнай тасымалдауды басқару digital-жүйесін  іске  қосты.

Индустрияландыру бағдарламасы іске асырылған жылдары барлығы 6,6 трлн. теңгеден астам соманың 1148 жобасы іске қосылып,  107 мың тұрақты жұмыс орны ашылды. Соның ішінде индустрияландырудың бірінші бесжылдығында (2010-2014 жылдар) индустрияландыру картасы аясында 3 трлн. теңгенің 770 жобасы іске қосылып, 76 мың тұрақты жұмыс орны ашыл-ды. Индустрияландырудың екінші бесжылдығы басталғалы (2015-2017 жылдар) 3,1 трлн. теңгенің 378 жобасы іске қосылып, 31 мың тұрақты жұмыс орны ашылды. 2018 жылы жалпы сомасы шамамен 1,2 трлн. теңге болатын 100 нысан қатарға қосылып, 13 мың адамға жұмыс берілді.

  Кәсіпкерлердің   еңбегі   еленді Жалпыұлттық телекөпір барысында Елбасы Нұрсұлтан Назарбаев Қазақстан Президентінің «Алтын сапа» сыйлығын табыс етті. Биыл бизнестің әлеуметтік жауапкершілігіндегі республикалық «Парыз» сыйлығының бас жүлдесі, Президенттің Гран-приі «Қазцинк» компаниясына табысталды. Бұдан бөлек, Президенттің «Алтын сапа» сыйлығының «Ең үз-дік индустриялық жоба» аталымында «AZALA Textile» ЖШС лайықты деп танылса, «Үздік инновациялық жоба» аталымы бойынша «KazTechInnovations» ЖШС топ жарып, Елбасының қолынан «Алтын сапа» сыйлығын алды. Айта кетерлігі, «AZALA Textile» ЖШС мақта-мата өнімін халықаралық өндіруші ретінде танылған. Компания экспортының үлесі 65 пайызды құрайды. Ал «KazTechInnovations» ЖШС бірегей көзілдіріктер шығарады. Бұл құрылғылар 360 градус режімде бейнетүсірілім жасауға мүмкіндік береді. Мұнымен қоса рейтинг қорытындысы бойынша Батыс Қазақстан облысы Теректі ауданы үздік деп танылды. Сондай-ақ Қызылорда облысы бизнес жүргізуге жағдай жасаған үздік өңір ретінде алға шықты. Индустрияландыру күні шеңберіндегі жиында Премьер Министр Бақытжан Сағынтаев бизнестің үздік өкілдеріне тиісті сыйсияпатын табыстады. Биыл Қазақстан Президентінің «Алтын сапа» сыйлығының жеңімпаздары тізімінде «Өндірістік мақсаттағы үздік кәсіпорын» номинациясы бойынша Шығыс Қазақстан облысындағы «СемАз» ЖШС, Алматы облысындағы «ALUGAL» ЖШС,  Батыс Қазақстан облысындағы «Орал сауда-өнеркәсіп компаниясы» ЖШС марапатталса, «Халыққа арналған тауарлар шығаратын үздік кәсіпорын» номинациясы бойынша Солтүстік Қазақстан облысының «Радуга» ЖШС, Түркістан облысының «Бал Текстиль» ЖШС, Жамбыл облысының «Novacom Technology» ЖШС үздіктер қатарында көрінді. Ал «Қызмет көрсететін үздік кәсіпорын» номинациясында үздік үштікке Астана қаласындағы «МЫРЗАХАН» ЖШС және «Теміржол  көлігіндегі қазақстандық сертифи-каттау орталығы» ЖШС, сондай-ақ Маңғыстау облысындағы «БиКаДа» ЖШС енді. Бұған қоса «Азық-түлік және ауыл шаруашылығы өнім-дерін шығаратын үздік кәсіпорын» аталымы бойынша Алматы облысындағы «Рыбпром» ЖШС, Алматы қаласындағы «БИЖАН» ет өңдеу кешені» ЖШС, Ақмола облысындағы «Гормолзавод» ЖШС марапатқа ие болды. Биыл Елбасының «Алтын сапа» сыйлығын алуға үміткер ретінде 182 кәсіпорын қатысса, оның ішінде 78-і шағын кәсіпкерлік бойынша, 76-сы орта, ал 28-і ірі кәсіпкерлік бойынша өтініш берген. Жыл соңындағы айтулы марапаттардың бірі – «Қазақстанның үздік тауары» атағы. Биыл бұл байқауға қатысу үшін еліміздің барлық өңірлерінен 1163 шағын, орта және ірі кәсіпорындардан өтініш түскен. Олардың ішінде 153-і республикалық кезеңге іріктелініп алынған. «Өндірістік мақсаттағы үздік тауарлар» аталымына Алматы облысындағы «DOLCE» ЖШС және Шымкент қаласындағы «Зерде – Керамика» ЖШС, Қостанай облысындағы «Медидез» ҮЕҰ» ЖШС ие болса, «Халыққа арналған үздік тауарлар» аталымы бойынша Ақтөбе облысындағы «West Line doors» ЖШС, Атырау облысындағы «Caspiy Lana Atyrau» ЖШС және Қызылорда облысындағы «Dalatex» ЖШС үздіктер қатарынан көрінді. Сондай-ақ «Үздік азық-түлік тауарлары» номинациясына Алматы облысындағы «Шин Лайн» ЖШС, Солтүстік Қазақстан облысындағы «ViZaVi Company» ЖШС және де Алматы облысындағы «Danone  Berkut»  ЖШС  ие  болды.

 «Егемен   Қазақстан»   газетінен   ықшамдалып  алынды


БҚО, Орал қаласы, Мұхит көшесі, 57/1
zhaik_presscenter@mail.ru
oral_oniri@inbox.ru
support@oraloniri.kz

Орал өңірі" газетінің бас редакторы: 51-25-80
Бас редактордың орынбасарлары: 24-17-08, 54-18-08
Жауапты хатшы: 54-38-22
Тілшілер: 50-66-88, 51-50-34
Жарнама бөлімі: 51-51-09
Яндекс.Метрика