Сайлау өткізу – өзекті мәселе

Күні: , 166 рет оқылды


 Сейсенбі күні Қазақстан халқы Батыс Қазақстан облысы ассамблеясы төрағасының орынбасары, ассамблея жанындағы «Дос» қоғамдық қорының төрайымы Вера Шохина баспасөз мәслихатын өткізді.


 — Ассамблея кеңесінде айтылған Елбасы сайлауын өткізу ұсынысын бірден қолдадым. Әрине, сұрақтар көп болады. Елбасы мен Парламент сайлауын бір жылда өткізу бюджетке оңай тимесі анық. Себебі сарапшылардың айтуынша, әлемдік экономикалық дағдарыстың шарықтау шегі 2016 жылға дөп келмек.

Елбасының саясаты арқасында еліміз әлемге бейбітшілік пен достықтың, тұрақтылық пен ынтымақтың үлгісі болып келеді. Ассамблеяның барлық сессияларына қатысып келемін. Оған қатысқан шетелдік сарапшылардың пікірінен Елбасының әлемдік барлық қауымдастықты мойындатқанын ұқтым.


Жолдау биіктерге бастайды

Күні: , 871 рет оқылды


 Елбасымыз  «Нұрлы жол – болашаққа бастар жол» Жолдауында білім жүйесіне ерекше көңіл бөлгенін айта кеткен жөн.


Еліміздегі білім жүйесінің алдында тұрған басты мақсат халқымыздың тәрбиесі мен әлемдік озық тәжірибеге негізделген тұлғаның жеке дамуын нұсқайтын әлемдік білім кеңістігінің шыңын бағындыру болып табылады. Жолдаудың «Нұрлы жол» деген атауының өзі біздің елді нұрлы болашаққа бастайтын құжат деп қабылдауымызға болады. Жолдауда мектептерді жөндеуге және жаңалауға, Астанадан тарам-тарам жолдардың басталуы жүректен шыққан тамырларының бейнесіндей. Сондықтан бұл Жолдау біздің еліміздің жаңаша өркендеуіне жол ашатынына сеніміміз зор.


Ынтымақты еңбек ырысымызды МОЛАЙТТЫ

Күні: , 858 рет оқылды


Кеше «Нұр Отан» партиясы облыстық филиалы ғимаратының үлкен залында облыс әкімі Нұрлан Ноғаев тұрғындар алдында өткен жылы өңірімізде атқарылған жұмыстар туралы есеп берді. Жиынға ҚР Президенті Әкімшілігінің мемлекеттік  инспекторы Сәлімгерей Бекбергенов, Энергетика министрі Владимир Школьник, ұлттық компания жетекшілері, облыстық, қалалық, аудандық мәслихат депутаттары, аудан, ауыл әкімдері, мекеме-кәсіпорын басшылары, ардагерлер, қоғамдық ұйым, БАҚ өкілдері қатысты.


Есептік кездесу бейнефильммен басталып, онда облысымыздың әлеуметтік-экономикалық даму көрсеткіштері жиналған жұртшылықтың назарына ұсынылды. Содан соң мінберге көтерілген өңір басшысы мұндай кездесу Елбасының Жарлығына сәйкес, 2005 жылдан бері ұйымдастырылып келе жатқанын, онда ауыл, аудан, облыс әкімдерінің жыл бойы атқарған, болашақта қолға алатын ісшаралары жөнінде баяндайтынын айтты. Осындай есептік кездесулер кезінде тұрғындардан түскен өтініштілектің бәрі ескеріліп, алдағы уақытта атқарылатын жұмыстардың жоспарына енгізіледі. Әкім бүгінгі таңда қолжетіп отырған жетістік өткен жылдары басталған жұмыстардың жемісі екенін жеткізді. Бұл, сөз жоқ, қоғамдық келісімнің, ұлтаралық, конфессияаралық татулықтың және саяси тұрақтылықтың арқасында жүзеге асуда. Мемлекет басшысының тапсырмасы бойынша елімізде кәсіпкерлікті дамытуға, жұмыссыздықты азайтуға, тұрғындардың әл-ауқатын көтеруге бағытталған мемлекеттік және салалық бағдарламалар ойдағыдай орындалып жатыр. Соның арқасында облысымыздың, еліміздің экономикасы ілгерілеуде.


Туған елім – ҚАЗАҚ ЖЕРІ

Күні: , 836 рет оқылды


Балдәурен балалық шағымның естеліктерінде – Бөрлі ауылының тұрғыны, өзі еңкейген кәріден бастап еңбектеген сәбиге дейін тілін таба білетін фотограф Вальтер ағайдың бейнесі анық сақталған.


Вальтер ағай өзінің «Зенит» фотоаппаратымен «қаруланып», ауылдың қара домалақ балаларын, сыйлы азаматтарын, жерлестерінің тұрмыс-тіршілігін фотоға түсіріп, баршамызға шексіз қуаныш сыйлайтын еді. Тек өзі ғана емес, өзгенің де бақытты, қуанышты болуын тілейтін жаны жомарт, неміс халқының ұлы – Дитман Вальтер Гергардовичтің өмірі мен тағдыры, көрген-білгені туралы сол кезде балалықпен сұрап-білуді де ойламаппыз. Арада жиырма жылдай уақыт өткен соң тағдыр мені осы ғажап адамға тағы бір жолықтырды.


ҚР Денсаулық сақтау және әлеуметтік даму министрі Тамара ДҮЙСЕНОВА: «Жұмыссыздарды көбейтпеуге әлеуетіміз жетеді»

Күні: , 847 рет оқылды


Президент жанындағы Орталық коммуникациялар қызметінде ҚР Денсаулық сақтау және әлеуметтік даму министрі Тамара Дүйсенованың қатысуымен «2015 жылы әлеуметтік кепілдіктерді және жұмыспен қамту деңгейін сақтау туралы» тақырыбында брифинг өтті.


Тамара Дүйсенова Үкіметтің кеңейтілген отырысында Мемлекет басшысының берген тапсырмаларын орындау үшін, халықты жұмыспен қамтамасыз етуге және жұмыссыздықтың өсуін болдырмауға бағытталған шараларды үйлестіру үшін Үкімет мынадай іс-әрекеттер алгоритмін әзірлегенін хабарлады.

Бірінші. Өндірістердің тоқтауына жол бермеу және жұмысшыны жұмыстан шығаруды болдырмау. Бұл бағыт бойынша өңір әкімдерімен бірлесіп ірі кәсіпорындарға мониторинг жүргізілетін болады. Жылдың басында 161 мың адам жұмыс істейтін 114 кәсіпорынға мониторинг жүргізілді. Осы жылдың ақпан айында Үкімет мүшелері өңірлерге барып, ірі компаниялардың басшыларымен, кәсіподақтармен және облыстардың, Алматы және Астана қалаларының әкімдерімен кездесті. Сол жұмыс сапарларында 102 меморандумға қол қойылды, бұл 259 мың жұмыс орнын сақтап қалуға септігін тигізеді. Бүгінгі таңда барлығы шамамен осындай 19 мыңдай меморандумға қол қойылып, 1,2 миллионнан астам адамды қамтыды. Бұл еліміздегі жұмыс істейтін тұрғындардың 14%-ын құрайды.


Талап та азайды, тексеріс те қысқарды…

Күні: , 821 рет оқылды


Облыстық кәсіпкерлер палатасы жергілікті бизнес өкілдері үшін «Барлығы  тексерулер туралы» атты айлық ұйымдастырды.


 Жақында осы айлық аясында облыстық кәсіпкерлер палатасы мен облыстық төтенше жағдайлар департаменті қызметкерлері бірігіп, дөңгелек үстел өткізді. Бұған аталған сала мамандары мен ірі сауда үйлерінің жетекшілері және БАҚ өкілдері қатысты.

Жиынды облыстық кәсіпкерлер палатасының бөлім басшысы Мағрипа Нығышева жүргізіп, «ҚР кәсіпкерлік қызмет шарттарын түбегейлі жақсарту мәселелері бойынша өзгерістер мен толықтырулар енгізу туралы» Заңның ағымдағы жылдың 1 қаңтарынан бастап қолданысқа енгізілгенін айтты. Аталмыш заң аясында еліміздегі бизнес-ахуалды жақсарту мақсатында барынша қолайлы мүмкіндіктер қарастырылып отыр. Бұл ретте 2015 жылдың сәуір айына дейін бақылаушы мемлекеттік органдарда тәуекелдерді бағалау жүйесін ұйымдастырудың жаңа әдістемесі әзірленіп жатқанын айта кетуіміз керек.


Қазақстан халқы Ассамблеясы Кеңесі мүшелерінің ҮНДЕУІ

Күні: , 120 рет оқылды


Біз, Қазақстан халқы Ассамблеясы Кеңесі мүшелері, болашаққа  деген жауапкершілігімізді сезіне отырып, Қазақстан Республикасының Президенті, Елбасы Нұрсұлтан Әбішұлы Назарбаевтың жақтастары әрі Отанымыздың патриоттары ретінде халыққа үндеу жолдаймыз.


Қазақстан халқы Ассамблеясына Қазақстан Республикасы Президентінің мерзімінен бұрын сайлауын өткізу туралы бастама көтеріп, еліміздің барлық өңірлерінен көптеген азаматтар хабарласуда.

Қазақстан халқы Ассамблеясы осы маңызды мәселе бойынша ұстанымын білдіруді өзінің азаматтық борышы деп санайды.

Әлемдік экономикалық дағдарыс пен күрделі халықаралық жағдай орын алып отырған тұста сайлау өткізу туралы жалпыхалықтық бастаманың көтерілуі уақыт талабы болып табылады.


Елдікті асқақтатар ЕЛТАҢБА АВТОРЫН ҚАБЫЛДАДЫ

Күні: , 135 рет оқылды


Өткен сенбі күні облыс әкімі Нұрлан Ноғаев өңірімізге келген тәуелсіз Қазақстан Елтаңбасының авторы Жандарбек Мәлібеков пен ҚР Парламенті Мәжілісінің депутаты Бақытбек Смағұлды қабылдады.


– Ата-бабамыз аңсаған тәуелсіздігімізге қол жеткен жылдары қабылданған мемлекеттік рәміздер қазіргі таңда өскелең ұрпақтың жалпы қазақстандықтардың болашаққа сенімін нығайтып, тәуелсіздік рухын  асқақтатуға үлкен қызмет атқаруда. Еліміздің Елтаңбасын бекітуге Шота ағамыз екеуіңіз зор еңбек сіңірдіңіздер. Бүгінгі Елтаңбамызда халқымыздың тарихы, болмысы мен болашағы шебер суреттелген. Солардың бәрін қамтуға ұшқыр қиял, өткір ой, зор тәжірибе қажет екенін жақсы түсінеміз. Мемлекеттік рәміздер әр елдің төлқұжаты іспеттес. Шет мемлекеттерде өтетін үлкен жиындарда  немесе спортшыларымыз жеңіс тұғырына көтеріліп, көк Туымыз желбіреп, Әнұран шырқалғанда, жүрегі тебіренбейтін жан жоқ шығар. Тәуелсіз Қазақстан халқының ортақ мұрат-мақсатын, арман-тілегін Отанымыздың Елтаңбасы арқылы паш еткен сізге ел-жұрттың алғысы шексіз деп ойлаймын, – деді өз сөзінде қонақтарға облыс әкімі Нұрлан Асқарұлы.


Қарулы күштер үшін РОБОТТАР ШЫҒАРЫЛМАҚ

Күні: , 200 рет оқылды


Облысымызда су асты роботтарын шығару жаңа деңгейге көтерілмек. Орал қаласына келген ҚР Қарулы күштерінің  Әскери-теңіз күштері басшылығы сондай техникаларды елімізде құрастыру жөнінде француздық компания өкілдерімен келіссөз өткізді.


– ҚР Қарулы күштері оралдық «Зенит» зауыты және «Гидроприбор» ғылыми-зерттеу институтымен біраз уақыттан бері бірлесіп жұмыс жасап келеді. Енді олармен алдағы 3 жыл үшін тапсырыстар жөнінде келіспекке келдік. Аталмыш сала бойынша елдегі ең үздік бұл мекемелер су астындағы роботтехниканы алдымен еліміздің Қарулы күштеріне дайындайтын болады, – деді ҚР ҚК Әскери-теңіз күштері бас қолбасшысы, контр-адмирал Жандарбек Жанұзақов.  


Бюджет қаражатының тиімді жұмсалуына ҚАТАҢ МЕМЛЕКЕТТІК ЖӘНЕ ҚОҒАМДЫҚ БАҚЫЛАУ ОРНАТЫЛМАҚ

Күні: , 818 рет оқылды


 Жақында «Нұр Отан» партиясы Батыс Қазақстан облыстық филиалы және «Батыс Қазақстан облысы бойынша тексеру комиссиясы» ММ арасындағы өзара түсіністік және ынтымақтастық туралы меморандумға ресми түрде қол қойылды.


 Бұл меморандум, Мемлекет басшысы, «Нұр Отан» партиясының Төрағасы Н. Ә. Назарбаевтың «Қазақстан – 2050» стратегиясы: қалыптасқан мемлекеттің жаңа саяси бағыты» атты Қазақстан халқына Жолдауында белгіленген бюджеттік-қаржы үдерімінде үнемі мақсаттылық және тиімділік үрдістерін сақтап, ұқыптылықпен қарау туралы тапсырмасын орындау мақсатында жасалып отыр. Сонымен қатар Елбасының, «Нұр Отан» партиясының төрағасы – Н. Назарбаевтың «Нұрлы жол – болашаққа бастар жол» атты Қазақстан халқына Жолдауында көрсетілген 2015-тен 2017 жылға дейінгі кезеңге жыл сайын ұлттық қордан қосымша бөлінетін қаржыны  тиімді әрі оңтайлы пайдаланып, жұмсалуына республикалық және аймақтағы қаржылық бақылау органдары «Нұр Отан» партиясының орталық және жергілікті аппараттарымен бірлесіп, қатаң мемлекеттік және қоғамдық қадағалау орнату қажеттігі жайлы ұсынысынан туындайды.


БҚО, Орал қаласы, Мұхит көшесі, 57/1
zhaik_presscenter@mail.ru
oral_oniri@inbox.ru
support@oraloniri.kz

Орал өңірі" газетінің бас редакторы: 51-25-80
Бас редактордың орынбасарлары: 24-17-08, 54-18-08
Жауапты хатшы: 54-38-22
Тілшілер: 50-66-88, 51-50-34
Жарнама бөлімі: 51-51-09
Яндекс.Метрика